ലോകത്തെ ഏറ്റവും വലിയ ആർട്ടിഫിഷ്യൽ ഇന്റലിജൻസ് കമ്പനിയായ OpenAI, ഇന്ത്യയിൽ AI കമ്പ്യൂട്ടർ സൗകര്യങ്ങൾ സ്ഥാപിക്കാൻ ടാറ്റാ ഗ്രൂപ്പുമായി കൈകോർക്കുന്നു. ടാറ്റാ കൺസൾട്ടൻസി സർവീസസുമായി ചേർന്നാണ് OpenAI-യുടെ ഈ പുതിയ നീക്കം. ടാറ്റാ ഗ്രൂപ്പുമായുള്ള ഈ പങ്കാളിത്തം ഇന്ത്യയിലെ AI രംഗത്ത് OpenAI-യുടെ ‘സ്റ്റാർഗേറ്റ്’ പദ്ധതിക്ക് തുടക്കമിടും.
OpenAI-യുടെ AI മോഡലുകൾ ഇന്ത്യയിൽ വെച്ച് പരിശീലിപ്പിക്കാനും പ്രവർത്തിപ്പിക്കാനും ആവശ്യമായ കമ്പ്യൂട്ടർ ശേഷി ഉറപ്പാക്കുകയാണ് ഈ പങ്കാളിത്തത്തിന്റെ പ്രധാന ലക്ഷ്യം. ഇതിനായി, TCS-ന്റെ പുതിയ ഡാറ്റാ സെന്റർ വിഭാഗമായ ‘ഹൈപ്പർവോൾട്ടി’ൽ നിന്ന് കുറഞ്ഞത് 500 മെഗാവാട്ടിന്റെ (MW) ഡാറ്റാ സെന്റർ ശേഷി പാട്ടത്തിനെടുക്കാൻ OpenAI ചർച്ചകൾ നടത്തുന്നുണ്ട്. TCS-ഉം TPG എന്ന മറ്റൊരു കമ്പനിയും ചേർന്ന് അടുത്തിടെ ഹൈപ്പർവോൾട്ടിൽ 18,000 കോടി രൂപ നിക്ഷേപിക്കുമെന്ന് പ്രഖ്യാപിച്ചിരുന്നു.
ബാങ്കിങ്, റീട്ടെയിൽ, നിർമ്മാണ മേഖലകളിലെ വലിയ കമ്പനികൾക്ക് വേണ്ടി OpenAI-യുടെ ശക്തിയേറിയ GPT മോഡലുകൾ ഉപയോഗിച്ച് പ്രത്യേക AI സോഫ്റ്റ്വെയറുകൾ സംയുക്തമായി ഉണ്ടാക്കാനും ഇരു കമ്പനികൾക്കും പദ്ധതിയുണ്ട്. ഈ സഹകരണത്തിലൂടെ “ലോകത്തിലെ ഏറ്റവും വലിയ AI-നേതൃത്വത്തിലുള്ള സേവന കമ്പനി” എന്ന TCS-ന്റെ ലക്ഷ്യത്തിന് വേഗത കൂടുമെന്നാണ് പ്രതീക്ഷ.
About The Author
