സ്‌നാപ്ചാറ്റിലെ പോസ്റ്റുകളിലേക്ക് സംഗീതം ചേർക്കാനുള്ള ഒരു പുതിയ സവിശേഷത സ്നാപ്പ് ഇങ്ക് അവതരിപ്പിക്കുന്നു, ഇതിലൂടെ ഉപയോക്താക്കൾക്ക് സുഹൃത്തുക്കളുമായി പാട്ടുകൾ പങ്കിടാനുള്ള അവസരവും സംഗീതമേഖലയിൽ ഒരു പുതിയ പ്രമോഷണൽ സംവിധാനവുമാണ് സൃഷ്ടിക്കുന്നത്.
നിലവിൽ ന്യൂസിലാന്റിലും ഓസ്ട്രേലിയയിലുമായിരിക്കും ഈ പുതിയ ഫീച്ചർ ലഭ്യമാകുക. ഈ വർഷാവസാനം ഇത് കൂടുതൽ വ്യാപകമായി പുറത്തിറക്കാൻ പദ്ധതിയിടുന്നതായാണ് കമ്പനി വൃത്തങ്ങൾ സൂചിപ്പിക്കുന്നത്.
വാർണർ മ്യൂസിക് ഗ്രൂപ്പ്, യൂണിവേഴ്സൽ മ്യൂസിക് പബ്ലിഷിംഗ് ഗ്രൂപ്പ്, മെർലിൻ എന്നിവയുൾപ്പെടെ നിരവധി പ്രമുഖ സംഗീത കമ്പനികളിൽ നിന്നുള്ള സംഗീതങ്ങൾ ഇതിന്റെ ഭാഗമായി ഉൾപ്പെട്ടിരിക്കുന്നു.
സ്ട്രീമിംഗ് സേവനങ്ങളിലേക്കുള്ള ലിങ്കുകളിലോ പാട്ടുകളിലേക്ക് സജ്ജമാക്കിയ വീഡിയോകളിലോ ദശലക്ഷക്കണക്കിന് ആളുകൾ ഇതിനകം തന്നെ സംഗീതം പങ്കിടാൻ സോഷ്യൽ മീഡിയ ഉപയോഗിക്കുന്നു.
ഇൻസ്റ്റാഗ്രാം, ടിക്ക്ടോക്ക് എന്നിവയിലുള്ള സവിശേഷതകൾ വാഗ്ദാനം ചെയ്യാൻ സ്നാപ്ചാറ്റിനെ ഈ പുതിയ സവിശേഷത അനുവദിക്കുന്നു.
മിക്ക കലാകാരന്മാർക്കും ഇന്ന്‌ സോഷ്യൽ മീഡിയ ഒരു പ്രധാന പ്രമോഷണൽ ചാനൽ കൂടിയാണ്. ഇത് ആരാധകരുമായി നേരിട്ട് ആശയവിനിമയം നടത്താൻ സഹായിക്കുന്നു.
കഴിഞ്ഞ കുറച്ച് വർഷങ്ങളിലെ ഏറ്റവും വലിയ ഹിറ്റുകൾ പലതും ടിക്ക്ടോക്ക്, യൂട്യൂബ് പോലുള്ള ആപ്ലിക്കേഷനുകളിൽ നിന്നാണ് ഉത്ഭവിച്ചത്. പുതിയ സവിശേഷത ഉപയോഗിച്ച്, സ്നാപ്പ് ഉപയോക്താക്കൾക്ക് ഒരു വീഡിയോയിൽ ഉപയോഗിക്കുന്ന പാട്ടിന്റെ പേര് കാണാനാകും. കൂടാതെ സ്‌പോട്ടിംഗ്, ആപ്പിൾ മ്യൂസിക് പോലുള്ള സ്ട്രീമിംഗ് സേവനങ്ങളിൽ മുഴുവൻ ഗാനം കേൾക്കുന്നതിന് ഒരു ലിങ്ക് പിന്തുടരാവുന്നതുമാണ്.
About The Author
Leave a Reply