ദശലക്ഷക്കണക്കിന് ഉപയോക്തൃ ഡൗൺലോഡുകളുള്ള നിരവധി ചൈനീസ് ആപ്ലിക്കേഷനുകൾ ഇന്ത്യയിൽ വ്യാപകമായി പ്രചാരത്തിലുണ്ട്. എന്നിരുന്നാലും, ഈ ചൈനീസ് ആപ്ലിക്കേഷനുകൾക്ക് പകരമായി ചില ഇന്ത്യൻ ആപ്ലിക്കേഷനുകൾ ഇപ്പോള്‍ പ്രചാരം നേടാൻ തുടങ്ങിയിരിക്കുകയാണ്.
ജനപ്രിയ ചൈനീസ് ആപ്ലിക്കേഷനുകൾക്ക് പകരമായുള്ള ഇന്ത്യൻ ആപ്പുകള്‍ക്ക് ഉപയോക്താക്കൾ ഏറിവരുന്ന സാഹചര്യത്തില്‍ ചൈനീസ് ആപ്പുകള്‍ക്ക് ബദലായി നമുക്ക് പ്രയോജനപ്പെടുത്താവുന്ന ഏതാനും ചില ഇന്ത്യന്‍ ആപ്ലിക്കേഷനുകളെ പരിചയപ്പെടാം…
ഷെയർചാറ്റ് – ടിക്ക്ടോക്കിന് പകരമായി
ടിക്ക്ടോക്കിന് സമാനമായ ഒരു ഇന്ത്യൻ വീഡിയോ നിര്‍മ്മാണ ആപ്ലിക്കേഷനാണ് ഷെയർചാറ്റ്. പ്ലാറ്റ്‌ഫോമിലെ മറ്റ് ഉപയോക്താക്കളുമായി ആശയവിനിമയം നടത്താനും സംവദിക്കാനും ആപ്ലിക്കേഷൻ ഉപയോക്താക്കളെ അനുവദിക്കുന്നു. പത്തിലധികം വ്യത്യസ്ത ഭാഷ ഓപ്ഷനുകളും ഇത് വാഗ്ദാനം ചെയ്യുന്നു. ഗൂഗിൾ പ്ലേ സ്റ്റോറിൽ 100 ദശലക്ഷത്തിലധികം ഡൗൺലോഡുകൾ മറികടന്ന ഷെയര്‍ചാറ്റ് ടിക്ക്ടോക്കിന് പകരമായി ഉപയോഗിക്കാവുന്ന ഒരു മികച്ച ഇന്ത്യൻ ആപ്ലിക്കേഷനാണ്.
ജിയോ ബ്രൗസർ – യുസി ബ്രൗസറിന് പകരമായി
ഉപയോക്താക്കൾക്ക് വേഗതയേറിയതും സുരക്ഷിതവുമായ ഇന്‍റർനെറ്റ് സർഫിംഗ് അനുഭവം പ്രദാനം ചെയ്യുന്ന ഏറ്റവും ജനപ്രിയമായ ഇന്ത്യൻ ബ്രൗസറുകളിൽ ഒന്നാണ് ജിയോ ബ്രൗസർ. യുസി ബ്രൗസറിലേതുപോലെ ഈ ആപ്ലിക്കേഷൻ ഉപയോക്താക്കൾക്കായി വാർത്തകളും വിനോദ ഉള്ളടക്കവും പ്രദാനം ചെയ്യുന്നു.
എപ്പിക് വെബ് ബ്രൗസർ
ചൈനയുടെ ജനപ്രിയ യുസി ബ്രൗസറിനുള്ള മറ്റൊരു മികച്ച ഇന്ത്യൻ ബദലാണ് എപ്പിക് വെബ് ബ്രൗസർ. ബാംഗ്ലൂർ ആസ്ഥാനമായുള്ള കമ്പനിയാണ് ഹിഡൻ റിഫ്ലെക്സ് എന്നറിയപ്പെടുന്ന ആപ്ലിക്കേഷൻ യഥാർത്ഥത്തിൽ വികസിപ്പിച്ചെടുത്തത്. ഉപയോക്താക്കൾക്കായി ഇന്‍ബില്‍റ്റായി ആന്‍റി വൈറസ് പരിരക്ഷയും വെബ് ബ്രൗസറിൽ ഉണ്ട്.
അഡോബ് സ്കാൻ – കാംസ്കാനറിന് പകരമായി
അഡോബ് സ്കാൻ ഇതൊരു ഇന്ത്യന്‍ നിര്‍മ്മിത ആപ്ലിക്കേഷനല്ല. എന്നിരുന്നാലും, ഡോക്യുമെന്‍റ് സ്കാന്‍ ആവശ്യങ്ങള്‍ക്ക് ഏറ്റവും വിശ്വസനീയമായ ആപ്ലിക്കേഷനുകളിൽ ഒന്നാണിത്. സൗജന്യമായി ഡൗൺലോഡ് ചെയ്യാവുന്ന ആപ്ലിക്കേഷനില്‍ അനായാസം ഡോക്യുമെന്‍റുകള്‍ സ്കാൻ ചെയ്യാവുന്നതാണ്. അച്ചടിച്ച വാചകവും കൈയക്ഷരവും തൽക്ഷണം കണ്ടെത്തുന്ന സംയോജിത ഒസിആർ സാങ്കേതികവിദ്യയും അഡോബ് സ്കാനിൽ ഉൾക്കൊള്ളുന്നു.
ഡോക്യുമെന്‍റുകള്‍ സ്കാൻ ചെയ്യുമ്പോൾ കാംസ്‌കാനർ ഒരു മികച്ച ചോയ്‌സ് ആണെന്ന് തോന്നുമെങ്കിലും, ഡോക്യുമെന്‍റ് സ്കാനിംഗ് ആപ്ലിക്കേഷനിൽ ഒരു ട്രോജൻ ഹോഴ്‌സ് മൊഡ്യൂൾ കണ്ടെത്തിയതായി റിപ്പോർ‌ട്ട് ചെയ്‌തതിന്‌ ശേഷം ആപ്ലിക്കേഷൻ ഗൂഗിള്‍ പ്ലേ സ്റ്റോറിൽ നിന്നും നീക്കംചെയ്‌തിരുന്നു. പിന്നീട് മാല്‍വെയറുകള്‍ നീക്കംചെയ്‌തതിനുശേഷം ആപ്ലിക്കേഷൻ വീണ്ടും പ്ലേസ്റ്റോറില്‍ ഇടം നേടി.
ഇന്ത്യൻ സെൽഫി ക്യാമറ – ബ്യൂട്ടിപ്ലസിനും യൂകാം പെർഫെക്റ്റിനും പകരമായി
പ്രചാരത്തിലുള്ള സെല്‍ഫിക്യാമറ ആപ്ലിക്കേഷനുകളുമായി താരതമ്യപ്പെടുത്തുമ്പോൾ മാന്യമായി പ്രകടനം കാഴ്ചവയ്ക്കുന്ന ഒരു ഇന്ത്യൻ സെൽഫി ക്യാമറ ആപ്ലിക്കേഷനാണ് ഇന്ത്യൻ സെൽഫി ക്യാമറ. ആപ്ലിക്കേഷന് ചില ചെറിയ പ്രശ്‌നങ്ങളുണ്ടെന്ന് റിപ്പോർട്ടുകളുണ്ട്. എന്നിരുന്നാലും, ഇവ അപ്‌ഡേറ്റുകള്‍ ഉപയോഗിച്ച് പരിഹരിക്കാവുന്നതാണ്. അനായാസം ഉപയോഗിക്കാവുന്ന യൂസര്‍ ഇന്‍റര്‍ഫേസുള്ള ആപ്ലിക്കേഷൻ ചിത്രങ്ങൾക്കായി നിരവധി ഇഫക്റ്റുകൾ വാഗ്ദാനം ചെയ്യുന്നു.
ഗൂഗിള്‍ ഡ്രൈവ് – WPS ഓഫീസിന് ബദലായുള്ളത്
മൈക്രോസോഫ്റ്റ് വിൻഡോസ്, മാക് ഓഎസ്, ലിനക്സ്, ആൻഡ്രോയിഡ്, ഐഒഎസ് പ്ലാറ്റ്ഫോമുകളില്‍ വ്യാപകമായി ഉപയോഗിക്കുന്ന ഓഫീസ് സ്യൂട്ടായ WPS ഓഫീസ് ചൈനീസ് ഡെവലപ്പര്‍ കിംഗ്സോഫ്റ്റ് വികസിപ്പിച്ചെടുത്തതാണ്. WPS ഓഫീസിന് സമാനമായ ഒരു ഇന്ത്യൻ ബദൽ കണ്ടെത്തുന്നത് അല്‍പ്പം ബുദ്ധിമുട്ടാണ്. എന്നിരുന്നാലും, നിങ്ങൾക്ക് പരീക്ഷിക്കാൻ കഴിയുന്ന ഏറ്റവും മികച്ച ഉപകരണങ്ങളിലൊന്നാണ് ഗൂഗിള്‍ ഡ്രൈവ്.
വേഡ് ഡോക്യുമെന്‍റുകൾ, സ്പ്രെഡ്ഷീറ്റുകൾ, പ്രെസന്‍റേഷന്‍ ഫയലുകൾ എന്നിവ സൃഷ്ടിക്കാനും എഡിറ്റ് ചെയ്യാനും ഓൺലൈനിൽ സംഭരിക്കാനും ഉപയോക്താക്കളെ അനുവദിക്കുന്ന ഗൂഗിളിൽ നിന്നുള്ള ഒരു ഫയൽ സംഭരണ സേവനമാണിത്. ഫോണിൽ നിന്നും ഗൂഗിള്‍ ഡ്രൈവ് ആക്സസ് ചെയ്യാൻ സാധിക്കും.
ഫോട്ടോ വീഡിയോ മേക്കർ – വിവ വീഡിയോയ്ക്ക് ബദല്‍
മൊബൈൽ ഫോണുകളിൽ വീഡിയോകൾ എഡിറ്റ് ചെയ്യുന്നതിന് പ്രധാനമായും ഉപയോഗിക്കുന്ന ഒരു ജനപ്രിയ ചൈനീസ് ആപ്ലിക്കേഷനാണ് വിവ വീഡിയോ. ഈ ആപ്ലിക്കേഷനെതിരെ ചില സ്വകാര്യത പ്രശ്‌നങ്ങൾ ഉയർന്നുവന്നിട്ടുണ്ട്. അതിനാൽ സുരക്ഷിതമായ ഒരു ബദല്‍ മാര്‍ഗ്ഗമായി ‘ഫോട്ടോ വീഡിയോ മേക്കർ’ ഉപയോഗിക്കാവുന്നതാണ്. വീഡിയോകൾ നിർമ്മിക്കാനും എഡിറ്റ് ചെയ്യാനും സൗകര്യമുള്ള ഈ ആപ്പ് സൗജന്യ ലൈസൻസുള്ള സംഗീതം, ഫിൽട്ടറുകൾ എന്നിവയും വാഗ്ദാനം ചെയ്യുന്നു.
About The Author
Leave a Reply