ചൈനീസ് കമ്പനിയായ ടിസിഎല്ലിന്‍റെ സബ് ബ്രാൻഡ് iFFalcon K61 4കെ ടിവി മോഡലുകൾ ഇന്ത്യയിൽ അവതരിപ്പിച്ചു. 43 ഇഞ്ച്, 50 ഇഞ്ച്, 55 ഇഞ്ച് വലിപ്പങ്ങളിലാണിത് ലഭ്യമാക്കിയിരിക്കുന്നത്. സ്മാർട്ട് ടിവിയിൽ 4കെ അപ്സ്കേലിംഗ്, ഡൈനാമിക് കളർ എൻഹാൻസ്മെന്‍റ്, മൈക്രോ ഡിമ്മിംഗ്, ഡോൾബി ഓഡിയോ എന്നിവയും അതിലേറെയും സവിശേഷതകളുണ്ട്.
ഇന്ത്യയിൽ iFFalcon K61 വില
iFFalcon K61 4കെ സ്മാർട്ട് ടിവി 43 ഇഞ്ച് മോഡലിന് 24999 രൂപയാണ് വില. 50 ഇഞ്ച് വേരിയന്‍റിന് 30499 രൂപയും 55 ഇഞ്ച് മോഡലിന് 36,499രൂപയുമാണ് വിലകള്‍. iFFalcon K61 സീരീസ് ഫ്ലിപ്കാർട്ടിൽ ലഭ്യമാണ്
iFFalcon K61 സവിശേഷതകൾ
4കെ (3840×2160 പിക്‌സൽ) ഡിസ്‌പ്ലേയുള്ള ഇത് ആന്‍ഡ്രോയിഡ് ടിവി 9 പൈയിൽ പ്രവർത്തിക്കുന്നു. ഇത് 4കെ അപ്സ്കേലിംഗിനെ പിന്തുണയ്ക്കുന്നു. അതിനർത്ഥം നിങ്ങൾ നേറ്റീവ് അല്ലാത്ത 4കെ കണ്ടെന്‍റ് പ്ലേ ചെയ്യുകയാണെങ്കിൽ, ടിവി ചിത്രത്തിന്‍റെയും വീഡിയോയുടെയും ഗുണനിലവാരം ക്ലാരിറ്റി, കളര്‍ കോമ്പന്‍സേഷന്‍, ഡീറ്റൈല്‍ കോമ്പന്‍സേഷന്‍, ഫ്രീക്വന്‍സി കോമ്പന്‍സേഷന്‍ എന്നീ നാല് തലങ്ങളിൽ നിന്ന് മെച്ചപ്പെടുത്തും. ഡിസ്പ്ലേയിലുടനീളം 1296 മൈക്രോ ഡിമ്മിംഗ് സോണുകളും എച്ച്ഡിആർ 10 പിന്തുണയുമുണ്ട്. മൊത്തം 24W ഔട്ട്‌പുട്ടിനായി രണ്ട് 12W സ്പീക്കറുകളാണ് ഓഡിയോ കൈകാര്യം ചെയ്യുന്നത്. ഇതിന് ഡോൾബി ഓഡിയോ പിന്തുണയും ഉണ്ട്.
ഒരു ആന്‍ഡ്രോയിഡ് ടിവി ആയതിനാൽ, നെറ്റ്ഫ്ലിക്സ്, യൂട്യൂബ്, ആമസോൺ പ്രൈം വീഡിയോ എന്നിവ ഉൾപ്പെടെ ഗൂഗിള്‍ പ്ലേയിലെ അയ്യായിരത്തിലധികം ആപ്ലിക്കേഷനുകളിലേക്ക് ഇത് പ്രവേശിക്കുന്നു. ലൈറ്റുകൾ, എസി, കൂടാതെ മറ്റു പല ഐഒടി ഉപകരണങ്ങളെയും നിയന്ത്രിക്കാനും iFFalcon K61 ഉപയോഗിക്കാം.
About The Author
Leave a Reply