രാജ്യത്തെ ഡിജിറ്റൽ പുരോഗതിക്ക് ഒരു പ്രധാന പ്രോത്സാഹനമായി, റിലയൻസ് ജിയോ “ജിയോപേജസ്” എന്ന പേരിൽ ഒരു മെയ്ഡ് ഇൻ-ഇന്ത്യാ ബ്രൗസര്‍ അവതരിപ്പിച്ചിരിക്കുന്നു. സ്വകാര്യതയ്ക്ക് പ്രാധാന്യം നല്‍കി അവതരിപ്പിച്ചിട്ടുള്ള ഈ ബ്രൗസര്‍ ശക്തമായ ക്രോമിയം ബ്ലിങ്ക് എഞ്ചിനിലാണ് നിർമ്മിച്ചിരിക്കുന്നത്. വേഗതയേറിയ എഞ്ചിൻ മൈഗ്രേഷൻ, വെബ്‌പേജ് റെൻഡറിംഗ്, വേഗതയേറിയ പേജ് ലോഡുകൾ, കാര്യക്ഷമമായ മീഡിയ സ്ട്രീമിംഗ്, ഇമോജി ഡൊമെയിന്‍ പിന്തുണ, എൻ‌ക്രിപ്റ്റ് ചെയ്ത കണക്ഷൻ എന്നിവയിലൂടെ ഇത് മെച്ചപ്പെട്ട ബ്രൗസിംഗ് അനുഭവം നൽകുന്നു എന്നാണ് കമ്പനി അവകാശപ്പെടുന്നത്.
ഹിന്ദി, മറാത്തി, തമിഴ്, ഗുജറാത്തി, തെലുങ്ക്, മലയാളം, കന്നഡ, ബംഗാളി എന്നീ എട്ട് ഇന്ത്യൻ ഭാഷകളെയും ജിയോപേജസ് ബ്രൗസർ പിന്തുണയ്ക്കുന്നു.
ജിയോപേജസ് ബ്രൗസറിന്‍റെ പ്രധാന സവിശേഷതകൾ ഇതാ:
- പേഴ്സണലൈസ്ഡ് ഹോം സ്‌ക്രീൻ
ഉപയോക്താക്കൾക്ക് വിപണിയിലെ പ്രമുഖ സെർച്ച് എഞ്ചിനുകളായ ഗൂഗിൾ, ബിംഗ്, എം‌എസ്‌എൻ, യാഹൂ അല്ലെങ്കിൽ ഡക്ക് ഡക്ക് ഗോ എന്നിവ ഡിഫോള്‍ട്ട് സെർച്ച് എഞ്ചിനായി സജ്ജീകരിക്കാനുള്ള ഓപ്ഷൻ ഉണ്ട്. വേഗത്തിലും എളുപ്പത്തിലും ആക്‌സസ്സ് ചെയ്യുന്നതിന് ഹോം സ്ക്രീനിൽ അവരുടെ പ്രിയപ്പെട്ട വെബ്‌സൈറ്റുകളുടെ ലിങ്കുകൾ പിൻ ചെയ്യാനും അവർക്ക് കഴിയും. - പേഴ്സണലൈസ്ഡ് തീം
ബ്രൗസിംഗ് അനുഭവം മെച്ചപ്പെടുത്തുന്നതിന് ഉപയോക്താക്കൾക്ക് വിവിധ കളര്‍ഫുള്‍ ബായ്ക്ക്ഗ്രൗണ്ട് തീമുകളിൽ നിന്ന് തിരഞ്ഞെടുക്കാം. ഇരുണ്ട പ്രകാശത്തില്‍ ബ്രൗസിംഗ് കണ്ണിന് ബുദ്ധിമുട്ടാകാതിരിക്കാന്‍ ‘ഡാർക്ക് മോഡിലേക്ക്’ മാറാം. - പേഴ്സണലൈസ്ഡ് കണ്ടെന്‍റ്
ഭാഷ, വിഷയം, പ്രദേശം എന്നിവ കണക്കിലെടുത്ത് ഉപയോക്താവിന്‍റെ മുൻഗണനയ്ക്ക് അനുസൃതമായി കണ്ടെന്‍റ് ഫീഡ് കസ്റ്റമൈസ് ചെയ്തിരിക്കുന്നു. ഇതിനുപുറമെ, ഉപയോക്താവിന് പ്രധാനപ്പെട്ടതോ താൽപ്പര്യമുള്ളതോ ആയ വിഷയങ്ങളിൽ മാത്രം ജിയോപേജുകൾ നോട്ടിഫിക്കേഷനുകള്‍ അയയ്ക്കുന്നു. - ഇന്‍ഫോമാറ്റിക് കാർഡുകൾ
ഒരു ഇന്‍ഫോമാറ്റിക് കാർഡ് ഒരു നിശ്ചിത വിഷയത്തിന്‍റെ പ്രധാന നമ്പറുകൾ, ട്രെൻഡുകൾ, ചിഹ്നങ്ങൾ അല്ലെങ്കിൽ തലക്കെട്ടുകൾ പിടിച്ചെടുക്കുന്നു, ഉദാ. സ്റ്റോക്ക് മാർക്കറ്റ് ട്രെൻഡുകൾ, ചരക്ക് വിലകൾ അല്ലെങ്കിൽ ക്രിക്കറ്റ് സ്കോർ എന്നിവ സ്ക്രീനിൽ കോം‌പാക്റ്റ് ക്ലിക്ക് ചെയ്യാവുന്ന ബാനറുകളായി പ്രദർശിപ്പിക്കുന്നു. - പ്രാദേശിക ഉള്ളടക്കം
ഹിന്ദി, മറാത്തി, തമിഴ്, ഗുജറാത്തി, തെലുങ്ക്, മലയാളം, കന്നഡ, ബംഗാളി എന്നീ എട്ട് ഇന്ത്യൻ ഭാഷകളെ ബ്രൗസർ പിന്തുണയ്ക്കുന്നു. ഉപയോക്താക്കൾക്ക് അവരുടെ ഇഷ്ടാനുസരണം കണ്ടെന്‍റ് ഫീഡ് കസ്റ്റമൈസ് ചെയ്യാനുള്ള ഓപ്ഷനുമുണ്ട്. ഒരു സംസ്ഥാനം തിരഞ്ഞെടുക്കുമ്പോൾ, ആ സംസ്ഥാനത്തില്‍ കൂടുതല്‍ പോപ്പുലര്‍ ആയ സൈറ്റുകൾ സ്ക്രീനിൽ പ്രത്യക്ഷപ്പെടാൻ തുടങ്ങും. - നൂതന ഡൗൺലോഡ് മാനേജർ
ഫയൽ ടൈപ്പ് അനുസരിച്ച് ബ്രൗസർ ഓട്ടോമാറ്റിക്കായി ഇമേജ്, വീഡിയോ, ഡോക്യുമെന്‍റ് അല്ലെങ്കിൽ പേജുകൾ എന്നിങ്ങനെ ഡൗൺ‌ലോഡുകളെ തരംതിരിക്കുന്നു. ഇത് ഉപയോക്താവിന് ഫയൽ മാനേജ്മെന്‍റ് എളുപ്പമാക്കുന്നു. - ഇന്‍കോഗ്നിറ്റോ മോഡ്
സിസ്റ്റത്തിൽ ബ്രൗസിംഗ് ഹിസ്റ്ററി ശേഖരിക്കുന്നത് തടയുന്നതിലൂടെ ഇന്‍കോഗ്നിറ്റോ മോഡ് സ്വകാര്യ ബ്രൗസിംഗ് പ്രാപ്തമാക്കുന്നു. ജിയോപേജുകളിൽ, ഇന്‍കോഗ്നിറ്റോ മോഡിലേക്ക് ഒരു ആക്സസ് കോഡായി ഉപയോക്താവിന് നാല് അക്ക സെക്യൂരിറ്റി പിൻ അല്ലെങ്കിൽ ഫിംഗര്‍പ്രിന്‍റ് സജ്ജമാക്കാനുള്ള ഓപ്ഷൻ ഉണ്ട്. - ആഡ് ബ്ലോക്കർ
ഉപയോക്താവിന് തടസ്സമില്ലാത്ത ബ്രൗസിംഗ് അനുഭവം നൽകുന്നതിനായി ആവശ്യമില്ലാത്ത പരസ്യങ്ങളും പോപ്പ്അപ്പുകളും ബ്രൗസർ തടയുന്നു.
നിലവിൽ ആന്‍ഡ്രോയിഡ് സ്മാർട്ട്‌ഫോണുകളിൽ മാത്രം ലഭ്യമായിട്ടുള്ള ജിയോപേജസ് ഗൂഗിള്‍പ്ലേസ്റ്റോറിൽ നിന്ന് ഡൗൺലോഡ് ചെയ്ത് ഉപയോഗിക്കാവുന്നതാണ്. ഒരുപക്ഷെ, ഇനി പുറത്തിറങ്ങുന്ന ജിയോ സ്മാര്‍ട്ട്ഫോണുകളിലും മറ്റും ജിയോപേജസ് ആയിരിക്കും ഡീഫോള്‍ട്ട് ബ്രൗസര്‍ ആയി വരുക.
About The Author
Leave a Reply