മണിപ്പൂരിലെ ഇംഫാലിൽ നിന്നുള്ള ഒൻപതാം ക്ലാസ് വിദ്യാർത്ഥി ബാൽദീപ് നിങ്തൗജാൻ കോവിഡ് -19 പകർച്ചവ്യാധികൾക്കിടയിൽ ‘കൊറോബോയ്’ എന്ന മൊബൈൽ ഗെയിം വികസിപ്പിച്ചെടുത്തിരിക്കുന്നു. കോവിഡ് മാർഗ്ഗനിർദ്ദേശങ്ങളെ അടിസ്ഥാനമാക്കിയുള്ള ഗെയിം ഇപ്പോൾ ആൻഡ്രോയിഡ് ഉപയോക്താക്കൾക്ക് ലഭ്യമാണ്.
ഗൂഗിൾ പ്ലേ സ്റ്റോറിലെ ആപ്ലിക്കേഷന്റെ വിവരണം അനുസരിച്ച്, ‘ഇന്ത്യയിൽ (മണിപ്പൂർ) നിന്നുള്ള ഒറ്റപ്പെട്ടു പോയ ഒരു ആൺകുട്ടിക്ക് വീട്ടിലേക്ക് പോകണം. പരമ്പരാഗത മണിപ്പൂരി വസ്ത്രവും മാസ്കുമാണ് വേഷം. തന്റെ ലക്ഷ്യത്തിലേക്ക് അവൻ ഓടും. യാത്രക്കിടെ അവൻ പോയിന്റുകൾ നേടും. പോലീസ് പിടികൂടുകയാണെങ്കിൽ 5000 പോയിന്റുകൾ കുറയും.’
ഒരു എത്തിക്കൽ ഹാക്കറാകാൻ ആഗ്രഹിക്കുന്ന ബാൽദീപ് നിങ് തൗജാന്. ആർട്ടിഫിഷ്യൽ ഇന്റലിജന്റ്സിനെക്കുറിച്ചും മറ്റ് സാങ്കേതികവിദ്യയെ കുറിച്ചുമെല്ലാം കൂടുതൽ പഠിക്കണമെന്നും ആഗ്രഹമുണ്ട്. കോവിഡിനെ കുറിച്ച് ഒരു ഗെയിം നിർമ്മിക്കുവാൻ അമ്മാവനാണ് നിർദ്ദേശിച്ചത്. അങ്ങനെയാണ് അതിൽ താൽപ്പര്യം വന്നതെന്നും. കഴിഞ്ഞ ആഴ്ചയിലാണ് ഗെയിമിന്റെ നിർമ്മാണം പൂർത്തിയായതെന്നും വിദ്യാർത്ഥി അറിയിച്ചു.
About The Author
Leave a Reply