ആഗോള നിർമ്മിത ബുദ്ധി (AI) മത്സരത്തിൽ ശക്തമായ വെല്ലുവിളിയുയർത്തിക്കൊണ്ട്, മൂന്നാം തലമുറ AI സൊല്യൂഷനും വിവരശേഖരണ എഞ്ചിനുമായ ‘കൈവെക്സ്’ (Kyvex) ഇന്ത്യ ഔദ്യോഗികമായി അവതരിപ്പിച്ചു. ശതകോടീശ്വര സംരംഭകയായ പേൾ കപൂർ സ്ഥാപിച്ച ഈ പ്ലാറ്റ്ഫോം, ചാറ്റ്ജിപിടി, പെർപ്ലെക്സിറ്റി തുടങ്ങിയ ആഗോള ഭീമൻമാർക്ക് ഇന്ത്യയുടെ മറുപടിയാണ്. വിവരങ്ങളുമായി ഉപയോക്താക്കൾ ഇടപഴകുന്ന രീതിയിൽ വിപ്ലവം സൃഷ്ടിക്കുന്ന ഒരു സമീപനമാണ് കൈവെക്സ് മുന്നോട്ട് വെക്കുന്നത്.
കൈവെക്സിനെ ഒരു സാധാരണ ചാറ്റ്ബോട്ട് എന്നതിലുപരിയായി, ലോകമെമ്പാടുമുള്ള വിദ്യാർത്ഥികൾക്കും പ്രൊഫഷണലുകൾക്കും ഗവേഷകർക്കുമുള്ള “ഇന്റലിജന്റ് നോളജ് പങ്കാളി” ആകുക എന്ന ലക്ഷ്യത്തോടെയാണ്. ഇത് കൃത്യവും, സുതാര്യവും, സമഗ്രവും സന്ദർഭോചിതവുമായ വിവരങ്ങൾനൽകുന്നതിൽ ശ്രദ്ധ കേന്ദ്രീകരിക്കുന്നു.
കൈവെക്സിന് ശക്തി പകരുന്നത് ഇന്ത്യൻ എഞ്ചിനീയർമാരുടെയും ഗവേഷകരുടെയും ഒരു സംഘം ആണ്. പൂർണ്ണമായും ഇൻ-ഹൗസായി വികസിപ്പിച്ചെടുത്ത ഇന്ത്യയുടെ സ്വന്തം പ്രൊപ്രൈറ്ററി ലാർജ് ലാംഗ്വേജ് മോഡലാണ് (LLM) ആണിത്. ആഴത്തിലുള്ള ഗവേഷണത്തിനും വ്യാഖ്യാനാത്മകമായ ബുദ്ധിക്കും വേണ്ടി രൂപകൽപ്പന ചെയ്തതാണ് ഇത്. നിലവിലുള്ള, അവ്യക്തമായ, ഡാറ്റാബേസുകളെ അമിതമായി ആശ്രയിക്കുന്ന ടൂളുകളിൽ നിന്ന് വ്യത്യസ്തമായി, വിശ്വസനീയവും സന്ദർഭോചിതവുമായ ഉൾക്കാഴ്ച നൽകുന്ന ഉത്തരങ്ങൾ നൽകാനാണ് കൈവെക്സ് ലക്ഷ്യമിടുന്നത്.
ഈ ഡീപ്-ടെക് സംരംഭത്തിന്റെ വിശ്വാസ്യതയ്ക്ക് രാജ്യത്തെ പ്രമുഖ അക്കാദമിക് നേതാക്കളുടെ പിന്തുണ വലിയ മുതൽക്കൂട്ടാണ്. ഐഐടി ഡൽഹി മുൻ ഡയറക്ടർ പ്രൊഫ. രാംഗോപാൽ റാവു, ഐഐടി ഖരഗ്പൂർ മുൻ ഡയറക്ടർ പ്രൊഫ. പി.പി. ചക്രബർത്തി, ഐഐഐടി ഹൈദരാബാദ് ഡയറക്ടർ പി.ജെ. നാരായണൻ എന്നിവരുടെ പങ്കാളിത്തിൽ ആണ് ഇതിന്റെ പ്രവർത്തനങ്ങൾ, അത്യാധുനിക ഗവേഷണത്തിലുള്ള കൈവെക്സിന്റെ അടിത്തറയും ആഗോള AI ഇന്നൊവേഷൻ രംഗത്ത് ഇന്ത്യയുടെ സ്ഥാനം ഉറപ്പിക്കാനുള്ള കാഴ്ചപ്പാടും ശക്തിപ്പെടുത്തുന്നു.
കൈവെക്സിനെ ഒരു പ്ലാറ്റ്ഫോം എന്നതിലുപരി ഒരു “പ്രസ്ഥാനം” ആയാണ് സ്ഥാപകനും സിഇഒയുമായ പേൾ കപൂർ വിശേഷിപ്പിച്ചത്. ഓരോ വ്യക്തിയെയും ബുദ്ധിമാനും ധാർമ്മികവാദിയും അറിവുള്ളവനുമാക്കുകയാണ് ഇതിലൂടെ ലക്ഷ്യമിടുന്നത്. അന്താരാഷ്ട്ര AI വികസനത്തിന്റെ കേന്ദ്രമായി ഇന്ത്യയെ മാറ്റാനാണ് ഞങ്ങൾ ലക്ഷ്യമിടുന്നത്, എന്ന് കപൂർ പറഞ്ഞു.
നിലവിൽ വെബ് പ്ലാറ്റ്ഫോം വഴി ലഭ്യമായ കൈവെക്സ്, ഉടൻ തന്നെ ആൻഡ്രോയിഡ്, ഐഒഎസ്, ബ്രൗസർ എക്സ്റ്റൻഷനുകൾ എന്നിവയിലും എത്താൻ വിപുലമായ പദ്ധതികൾ തയ്യാറാക്കിയിട്ടുണ്ട്. കൂടാതെ, ഗവേഷണവും പ്രായോഗികതയും തമ്മിലുള്ള വിടവ് നികത്തിക്കൊണ്ട്, വിദ്യാഭ്യാസം, ഗവേഷണം, വ്യവസായം എന്നിവയിലുടനീളം നൂതന AI ടൂളുകളിലേക്കുള്ള പ്രവേശനം ജനാധിപത്യവൽക്കരിക്കാൻ ലക്ഷ്യമിട്ടുള്ള ഒരു ഓപ്പൺ സോഴ്സ് പ്രോട്ടോക്കോൾ ഉടൻ പുറത്തിറക്കുമെന്നും സൂചനയുണ്ട്.
‘ലോകത്തിനായി ഇന്ത്യയിൽ നിർമ്മിച്ചത്’ (Made in India, for the World) എന്ന ലേബലോടെയുള്ള കൈവെക്സ്, അക്കാദമിക് വൈദഗ്ധ്യത്തിലൂടെയും ഡിജിറ്റൽ സ്വാതന്ത്ര്യത്തിന്റെ ലക്ഷ്യത്തിലൂടെയും ഡീപ്-ടെക് ഇക്കോസിസ്റ്റത്തെ പരിവർത്തനം ചെയ്യുന്ന ഒരു പുതിയ തലമുറ ഇന്ത്യൻ സ്റ്റാർട്ടപ്പുകളെ പ്രതീകപ്പെടുത്തുന്നു. ഇത് നിയമാനുസൃതമായ പഠനം, ഗവേഷണം, തുറന്ന വിവര കൈമാറ്റം എന്നിവയിൽ മികവിന്റെ ഒരു പ്രതീകമായി ആഗോളതലത്തിൽ നിലകൊള്ളും.
About The Author
