ഒരു ബില്‍റ്റ്-ഇന്‍ പ്രൈവറ്റ് ബ്രൗസിംഗ് മോഡിനെ പിന്തുണയ്‌ക്കുന്ന ആദ്യ ബ്രൗസറുകളിൽ ഒന്നാണ് ഗൂഗിള്‍ ക്രോം. ആന്ഡ്രോയിഡ് ഉൾപ്പെടെ എല്ലാ പ്ലാറ്റ്ഫോമിലെയും ഗൂഗിള്‍ ക്രോമില്‍ ഇന്‍കൊഗ്നിറ്റോ മോഡ് ഇപ്പോൾ ലഭ്യമാണ്. ഈ പ്രധാനപ്പെട്ട സ്വകാര്യത സവിശേഷത ആന്ഡ്രോയിഡ് ഡിവൈസുകളില്‍ എങ്ങനെ ഉപയോഗിക്കാമെന്ന് നോക്കാം.
അതിന് മുന്‍പായി, ഇന്‍കൊഗ്നിറ്റോ മോഡ് എന്താണ് ചെയ്യുന്നതെന്നും ചെയ്യാത്തതെന്നും നിങ്ങൾ അറിഞ്ഞിരിക്കണം. നിങ്ങളുടെ ബ്രൗസിംഗ് ഹിസ്റ്ററി, കുക്കികൾ, ഫോമുകളിൽ ടൈപ്പുചെയ്ത വിവരങ്ങൾ, മറ്റ് സൈറ്റ് ഡാറ്റ എന്നിവ സേവ് ചെയ്യുന്നതിൽ നിന്നും ക്രോമിനെ തടയുക എന്നതാണ് ഇതിന്‍റെ ഉദ്ദേശ്യം.
ഇന്‍കൊഗ്നിറ്റോ മോഡ് യഥാര്‍ത്ഥത്തിൽ വെബിൽ ഒരു സ്വകാര്യ ബ്രൗസിംഗ് അനുഭവമാണ് നല്‍കുന്നത്. വെബ്‌സൈറ്റുകൾക്കും നിങ്ങളുടെ ഇന്‍റർനെറ്റ് സേവന ദാതാവിന് ഉപയോക്താവിന്‍റെ പ്രവർത്തനം കാണാൻ സാധിക്കുന്നതും ഡൗൺലോഡ് ചെയ്ത ഫയലുകളും ബുക്ക്മാർക്കുകളും സ്റ്റോര്‍ ചെയ്യപ്പെടുന്നതുമാണ്. ഇത്തരത്തില്‍ നിങ്ങളുടെ പ്രവര്‍ത്തനങ്ങള്‍ സ്റ്റോര്‍ ചെയ്യപ്പെടാതെ പൂര്‍ണ്ണമായും സ്വകാര്യമായി ചെയ്യുവാന്‍ നിങ്ങള്‍ ആഗ്രഹിക്കുന്നുവെങ്കില്‍ ബ്രൗസിംഗിനായി ഇന്‍കൊഗ്നിറ്റോ മോഡ് പ്രയോജനപ്പെടുത്താവുന്നതാണ്.
ആന്‍ഡ്രോയിഡിൽ ഇന്‍കൊഗ്നിറ്റോ മോഡ് ഉപയോഗിക്കുന്നത് വളരെ ലളിതമാണ്. ആദ്യം, നിങ്ങളുടെ ആന്ഡ്രോയിഡ് ഫോണിലോ ടാബ്‌ലെറ്റിലോ ക്രോം ബ്രൗസർ തുറക്കുക.
അടുത്തതായി, മുകളിൽ വലതുവശത്തുള്ള മൂന്ന് ലംബ ഡോട്ടുകൾ ടാപ്പ് ചെയ്യുക.
ലഭ്യമാകുന്ന ലിസ്റ്റിൽ നിന്ന് “New Incognito Tab” തിരഞ്ഞെടുക്കുക.
നിങ്ങൾ ഇപ്പോൾ ഗൂഗിള്‍ ക്രോമിന്‍റെ ഇന്‍കൊഗ്നിറ്റോ മോഡിലാണ്. ചില അധിക സ്വകാര്യതയ്ക്കായി നിങ്ങൾക്ക് അവസാനമായി ചെയ്യാനാകുന്നത് “Block Third-Party Cookies” ഓപ്ഷൻ ടോഗിൾ ചെയ്യുക എന്നതാണ്.
നിങ്ങളുടെ എല്ലാ തുറന്ന ക്രോം ടാബുകളും കാണുന്നതിന് മുകളിലുള്ള ടാബ് ബട്ടൺ ടാപ്പുചെയ്യുക.
ടാബുകൾ മുകളിൽ രണ്ട് ഗ്രൂപ്പുകളായി തിരിച്ചിരിക്കുന്നു; തൊപ്പിയും ഗ്ലാസും ഐക്കണായുള്ളതാണ് ഇന്‍കൊഗ്നിറ്റോ ഗ്രൂപ്പ്. ഇതില്‍ ഇന്‍കൊഗ്നിറ്റോ മോഡില്‍ നിങ്ങള്‍ തുറന്നിട്ടുള്ള ടാബുകളാണ് കാണിക്കുന്നത്. കുറച്ചുകൂടി സ്വകാര്യത ഉപയോഗിച്ച് വെബ് ബ്രൗസ് ചെയ്യാൻ നിങ്ങള്‍ ആഗ്രഹിക്കുന്നുവെങ്കില്‍ ഏത് സമയത്തും ആന്ഡ്രോയിഡ് ഡിവൈസുകളില്‍ ഗൂഗിള്‍ ക്രോമിലെ ഇന്‍കൊഗ്നിറ്റോ മോഡിലേക്ക് എളുപ്പത്തിൽ മാറാവുന്നതാണ്.
About The Author
Leave a Reply