സ്വന്തം ഉടമസ്ഥതയിലുള്ള ഏറ്റവും വ്യക്തിഗത ഉപകരണമായി മൊബൈല്‍ഫോണുകള്‍ മാറികൊണ്ടിരിക്കുകയാണ്. ഇത് എല്ലായ്‌പ്പോഴും നമ്മോടു കൂടെയുണ്ട്, ഒപ്പം നമ്മള്‍ ചെയ്യുന്നതെല്ലാം കേൾക്കാനും കാണാനും സംവേദിക്കാനും കഴിവുള്ളതാണ്. അതിനാല്‍ തന്നെ ചില മീറ്റിംഗിലേക്ക് പോകുന്നതിന് മുന്‍പ് ഈ സെൻസറുകൾ ഓഫ് ചെയ്യാൻ നമ്മൾ ആഗ്രഹിക്കുന്നു.
ലൊക്കേഷൻ ട്രാക്കിംഗും സെല്ലുലാർ കണക്റ്റിവിറ്റിയും പ്രവർത്തനരഹിതമാക്കാൻ ആന്‍ഡ്രോയിഡ് ക്വിക്ക് ടോഗിളുകൾ വാഗ്ദാനം ചെയ്യുമ്പോൾ, നിങ്ങളുടെ ഫോണിന്‍റെ ബാക്കി സെൻസറുകളായ ക്യാമറ അല്ലെങ്കിൽ മൈക്രോഫോൺ സ്വിച്ച് ഓഫ് ചെയ്യുന്നതിന് നേരിട്ടുള്ള ഓപ്ഷനുകളൊന്നുമില്ല. എന്നാല്‍, ഫോണിന്‍റെ എല്ലാ സെൻസറുകളും ഒരൊറ്റ ടാപ്പിൽ നിർത്താൻ അനുവദിക്കുന്ന ഒരു ഹിഡന്‍ സെറ്റിംഗ്സ് ആന്‍ഡ്രോയിഡിന് ഉണ്ട്. ഇത് എങ്ങനെ ഉപയോഗിക്കാമെന്നത് ഇതാ.
ആന്‍ഡ്രോയിഡ് 10 അല്ലെങ്കിൽ അതിനുമുകളിലുള്ള ഫോണുകളിൽ മാത്രമേ ഈ ഓപ്ഷൻ ലഭ്യമാകൂ എന്നത് ശ്രദ്ധിക്കുക.
ഇതിനായി, ആദ്യം നിങ്ങൾ പ്രധാനമായും ആന്‍ഡ്രോയിഡ് ആപ്ലിക്കേഷൻ നിർമ്മാതാക്കൾക്കായി ഗൂഗിള്‍ ബണ്ടിൽ ചെയ്യുന്ന അധിക ഉപകരണങ്ങളുടെ ഒരു കൂട്ടം ഡെവലപ്പർ ഓപ്ഷനുകൾ പ്രവർത്തനക്ഷമമാക്കണം. ഈ സവിശേഷത ഡെവലപ്പർമാരെ സഹായിക്കുന്നതിനൊപ്പം “ഉപയോക്താക്കൾക്ക് അവരുടെ ഉപകരണത്തിലെ സെൻസറുകളെ നിയന്ത്രിക്കാനുള്ള ഒരു മാർഗ്ഗവും നൽകുന്നു” എന്ന് ഗൂഗിള്‍ അതിന്‍റെ ഡോക്യുമെന്‍റേഷനിൽ പരാമർശിക്കുന്നുണ്ട്.
ഡെവലപ്പർ ഓപ്ഷനുകൾ പ്രവർത്തനക്ഷമമാക്കുന്നതിന്, നിങ്ങളുടെ ആന്‍ഡ്രോയിഡ് ഫോണിൽ “Settings” ആപ്ലിക്കേഷൻ തുറക്കുക, മെനുവിന്‍റെ താഴേക്ക് സ്ക്രോൾ ചെയ്യുക, “About phone” വിഭാഗം തുറക്കുക. അതില്‍
“Build Number” എന്ന ഒരു ഓപ്ഷൻ ലഭ്യമാണ്. സാംസങ് ഗ്യാലക്സി ഉടമകൾക്ക് “Software Information” വിഭാഗത്തിനുള്ളിൽ ആയിരിക്കും ഓപ്ഷൻ കണ്ടെത്താന്‍ സാധിക്കുക. നിങ്ങളുടെ ലോക്ക് സ്ക്രീൻ പിൻ, പാറ്റേൺ അല്ലെങ്കിൽ പാസ്‌വേഡ് നിങ്ങളുടെ സ്മാർട്ട്ഫോണില്‍ ആവശ്യപ്പെടുന്നതുവരെ ആവർത്തിച്ച് ടാപ്പ് ചെയ്യുക.
നിങ്ങളുടെ PIN, പാറ്റേൺ അല്ലെങ്കിൽ പാസ്‌വേഡ് നൽകുക, നിങ്ങൾക്ക് ഒരു ടോസ്റ്റ് സന്ദേശം ലഭിക്കും: “You are now a developer!”
പ്രധാന സെറ്റിംഗ്സ് പേജിലേക്ക് മടങ്ങുക, സിസ്റ്റം മെനുവില്‍ നിന്ന് ഡെവലപ്പർ ഓപ്ഷനുകളിലേക്ക് നാവിഗേറ്റ് ചെയ്യുക. സെറ്റിംഗ്സ് മെനുവിന്‍റെ ചുവടെ സാംസങ് ഉടമകൾക്ക് “Developer Options” കണ്ടെത്താം.
“Quick Settings Developer Tiles” കണ്ടെത്തുന്നതുവരെ താഴേക്ക് സ്ക്രോൾ ചെയ്‌ത് ബട്ടണിൽ ടാപ്പ് ചെയ്യുക.
“Sensors Off” ടോഗിൾ ആക്ടീവാക്കുക.
ഇപ്പോൾ, സ്‌ക്രീനിന്‍റെ മുകളിൽ നിന്ന് നിങ്ങളുടെ ഫോണിന്‍റെ നോട്ടിഫിക്കേഷന്‍ ഷേഡ് വലിക്കുമ്പോൾ, ക്വിക്ക് സെറ്റിംഗ്സ് ട്രേയിൽ “Sensors Off” എന്ന് വിളിക്കുന്ന ഒരു പുതിയ ടൈൽ നിങ്ങൾക്ക് ലഭിക്കും.
ഡിഫോള്‍ട്ടായി, “Quick Settings” ഗ്രിഡിലെ ആദ്യ ടൈലായി ആന്‍ഡ്രോയിഡ് “Sensors Off” ചേർക്കുന്നു. നിങ്ങൾക്ക് അത് ആവശ്യമില്ലെങ്കിൽ, പാനൽ പുനക്രമീകരിക്കുന്നതിലൂടെ നിങ്ങൾക്ക് ഇത് നീക്കാൻ പറ്റുന്നതാണ്.
നിങ്ങൾ “Sensors Off” പ്രവർത്തനക്ഷമമാക്കുമ്പോൾ, ക്യാമറകൾ, മൈക്രോഫോൺ, ആക്‌സിലറോമീറ്റർ, ഗൈറോസ്‌കോപ്പ് എന്നിവയുൾപ്പെടെ നിങ്ങളുടെ ഫോൺ അതിന്‍റെ മിക്ക സെൻസറുകളും നിർത്തുന്നു. നിങ്ങളുടെ ഹാൻഡ്‌സെറ്റിന്‍റെ ബില്‍റ്റ് ഇന്‍ ക്യാമറ ക്ലയന്‍റ് പോലുള്ള ഒരു ആപ്ലിക്കേഷൻ ഈ ഘടകങ്ങളിലേതെങ്കിലും ആക്‌സസ് ചെയ്യാൻ ശ്രമിക്കുകയാണെങ്കിൽ, അത് ഒരു എറര്‍ മെസ്സേജ് നൽകും അല്ലെങ്കിൽ പ്രവർത്തിക്കാൻ വിസമ്മതിക്കും.
വൈ-ഫൈ, മൊബൈൽ നെറ്റ്‌വർക്ക് എന്നിവയുൾപ്പെടെ നിങ്ങളുടെ ബാക്കി സ്മാർട്ട്‌ഫോൺ സംവിധാനങ്ങള്‍ സാധാരണ രീതിയിൽ പ്രവർത്തിക്കും. അതിനാൽ, നിങ്ങൾ കൂടുതൽ സ്വകാര്യ മൊബൈൽ അനുഭവം ആഗ്രഹിക്കുമ്പോഴോ അല്ലെങ്കില്‍ ചില പ്രത്യേക സാഹചര്യങ്ങളിലോ “Sensors Off” ഓപ്ഷൻ ഉപയോഗപ്രദമാക്കാം. ക്വിക്ക് സെറ്റിംഗ്സ് ഉപയോഗിച്ച്, നിങ്ങൾക്ക് ഒറ്റ ടാപ്പിലൂടെ അത് വീണ്ടും പ്രവര്‍ത്തിപ്പിക്കാവുന്നതാണ്.
About The Author
Leave a Reply