ഐഫോണ്‍ 12 സീരീസ് പുറത്തിറക്കി മണിക്കൂറുകള്‍ക്കകം ഐഫോണ്‍ 11ന്‍റെ വില ആപ്പിള്‍ 13400 രൂപയോളം കുറച്ചു. ഇന്ത്യയില്‍ പുതുതായി ആരംഭിച്ച ആപ്പിളിന്‍റെ ഓണ്‍ലൈന്‍ സ്റ്റോറില്‍ ഐഫോണ്‍ 11ന്‍റെ 64ജിബി മോഡല്‍ 54900 രൂപയ്ക്ക് ലഭ്യമാണ്. 68300 രൂപയായിരുന്നു ഈ മോഡലിന്‍റെ യഥാര്‍ത്ഥ വില. ഐഫോണ്‍ 11ന്‍റെ 128 ജിബി മോഡലിന് 59900 രൂപയും 256 ജിബി വേരിയന്‍റിന് 69900 രൂപയുമാണ് പുതിയ വില.
ഐഫോണ്‍ എസ്ഇ, എക്‌സ്ആര്‍ സീരിസിന്‍റെ വിലയിലും കുറവുവരുത്തിയിട്ടുണ്ട്. ഐഫോണ്‍ എസ്ഇ 128 ജിബി, 256 ജിബി മോഡലുകള്‍ക്ക് യഥാക്രമം 39900 രൂപയും 44900 രൂപയുമാണ് വില. ഐഫോണ്‍ എസ്ഇ 256 ജിബി വേരിയന്‍റിന് 54900 രൂപയാണ് വില. ഐഫോണ്‍ എക്‌സ്ആര്‍ 64 ജിബിക്ക് 47900 രൂപയും 128 ജിബി മോഡലിന് 52900 രൂപയും വിലകള്‍ നല്‍കിയാണ് ഓണ്‍ലൈന്‍ സ്റ്റോറില്‍ ഇപ്പോള്‍ ലഭ്യമാക്കിയിരിക്കുന്നത്.
ഉത്സവ ഓഫറിന്‍റെ ഭാഗമായി ഒക്ടോബര്‍ 17മുതല്‍ ഐഫോണ്‍ 11നൊപ്പം എയര്‍പോഡ്സ് ആപ്പിള്‍ സ്റ്റോര്‍ സൗജന്യമായി നല്‍കുന്നതാണ്. ആപ്പിള്‍ ഓണ്‍ലൈന്‍ സ്റ്റോര്‍ വഴി ഐഫോണ്‍ 11 വാങ്ങുമ്പോള്‍ മാത്രമാണ് 14900 രൂപ വിലയുള്ള എയര്‍പോഡ്സ് സൗജന്യമായി ലഭിക്കുകയുള്ളൂ. നിശ്ചിത ഐഫോണ്‍ യൂണിറ്റുകള്‍ക്ക് മാത്രമേ ഈ ഓഫര്‍ ഉണ്ടാകൂ എന്നും കമ്പനി വ്യക്തമാക്കിയിട്ടുണ്ട്. അതേസമയം, ആമസോണും ഫ്‌ളിപ്കാര്‍ട്ടും ഉത്സവ ഓഫറിന്‍റെ ഭാഗമായി ഐഫോണ്‍ 11ന് 18000 രൂപയോളം വിലക്കിഴിവാണ് പ്രഖ്യാപിച്ചിരിക്കുന്നത്.
About The Author
Leave a Reply