സ്മാർട്ട്‌ഫോണുകൾക്കായി ആൻഡ്രോയിഡ് 11 അവതരിപ്പിക്കുമെന്ന് ഗൂഗിൾ പ്രഖ്യാപിച്ചതിന് തൊട്ടുപിന്നാലെ, മറ്റ് ഡിവൈസുകളിലേക്കും പുതിയ ഓഎസ് ലഭ്യമാക്കാനുള്ള നീക്കത്തിലാണ് കമ്പനി. ഇതിന്‍റെ ഭാഗമായി ടിവികൾക്കായി ആൻഡ്രോയിഡ് 11 പുറത്തിറക്കുമെന്ന് ഗൂഗിള്‍ പ്രഖ്യാപിച്ചു. പുതിയ അപ്‌ഡേറ്റിന് സുരക്ഷാ മെച്ചപ്പെടുത്തലുകൾ മാത്രമല്ല കുറച്ച് പുതിയ സവിശേഷതകളും ലഭിക്കുമെന്നാണ് അറിയാന്‍ സാധിക്കുന്നത്.
ആന്‍ഡ്രോയിഡ് 11 ഉപയോഗിച്ച്, ടിവി ഉപകരണങ്ങൾ വേഗത്തിലും സുരക്ഷിതമായും പ്രവർത്തിക്കുന്നുവെന്ന് ഉറപ്പാക്കുന്നതിന് മെച്ചപ്പെട്ട മെമ്മറി മാനേജ്മെന്‍റ് പോലുള്ള പ്രകടന മെച്ചപ്പെടുത്തലുകളും ഒറ്റത്തവണ അനുമതികൾ പോലുള്ള സ്വകാര്യത സവിശേഷതകളും അവതരിപ്പിച്ചു.
ഓട്ടോ ലോ ലേറ്റൻസി മോഡ്, ലോ ലേറ്റൻസി മീഡിയ ഡീകോഡിംഗ്, പുതിയ ട്യൂണര്‍ ഫ്രെയുംവര്‍ക്കോടുകൂടിയ അപ്ഡേറ്റഡ് മീഡിയ സിഎഎസ് പിന്തുണ, എച്ച്ഡിഎംഐ സിഇസിയുടെ എച്ച്എഎൽ നടപ്പാക്കലിനുള്ള സിഎഎസ് തുടങ്ങിയ പിന്തുണകളും പുതിയ ആന്‍ഡ്രോയിഡ് 11ലൂടെ സ്മാര്‍ട്ട് ടിവികളില്‍ ലഭ്യമാകുന്നതാണ്.
സ്മാർട്ട് ടിവികൾക്കായുള്ള ആന്‍ഡ്രോയിഡ് 11 അപ്‌ഡേറ്റ് ടിവി പ്രവർത്തനങ്ങളിൽ ഉപയോക്താവിന് കൂടുതൽ നിയന്ത്രണം നൽകും. അപ്‌ഡേറ്റ് വിപുലീകൃത ഗെയിംപാഡ് പിന്തുണ, സിസ്റ്റം അപ്‌ഡേറ്റുകൾക്കായുള്ള സൈലന്‍റ് ബൂട്ട് മോഡ്, ഇന്‍ആക്ടീവിറ്റി പ്രോംപ്റ്റുകൾ, ഒഇഎം കോൺഫിഗർ ചെയ്യാവുന്ന വേക്ക് കീകൾ എന്നിവ ആന്‍ഡ്രോയിഡ് 11 അടിസ്ഥാനമാക്കിയുള്ള ടിവികളില്‍ ലഭ്യമാകാന്‍ ഇടയുള്ള സവിശേഷതകളില്‍ ചിലതാണ്.
ആപ്ലിക്കേഷൻ ഡെവലപ്പർമാർക്ക്, ടിവിയിൽ ടെസ്റ്റിംഗ് എളുപ്പമാക്കും. ആന്‍ഡ്രോയിഡ് ടിവിയിലെ ടെസ്റ്റ് ഹാർനെസ് മോഡ്, ആന്‍ഡ്രോയിഡ് ടിവി എമുലേറ്ററിലെ പ്ലേ സ്റ്റോർ പിന്തുണ എന്നിവ ഡെവലപ്പര്‍ വികസിപ്പിച്ച ആപ്ലിക്കേഷനുകൾ പരിശോധിക്കാൻ സഹായിക്കുന്നു.
അടുത്ത തലമുറ ഉപകരണങ്ങൾക്കായി ആന്‍ഡ്രോയിഡ് ടിവി ആപ്ലിക്കേഷൻ ഇംപ്ലിമെന്‍റേഷനുകള്‍ പരീക്ഷിക്കാൻ സഹായിക്കുന്നതിന്, ADT-3 ഉപകരണങ്ങളിലേക്കുള്ള സിസ്റ്റം അപ്‌ഡേറ്റായും ആന്‍ഡ്രോയിഡ് 11 ലഭ്യമാകും.
About The Author
Leave a Reply