ഗൂഗിളിൽ സ്വന്തം പേര് ഇടയ്ക്കിടയ്ക്ക് തിരയുന്നവർ കുറവല്ല. എന്നാൽ നമ്മൾ എല്ലാവരും സെലിബ്രറ്റികളല്ലല്ലോ. അതിനാൽ നിരാശയായിരിക്കും മിക്കപ്പോഴും ഫലം. എന്നാലിനി നിരാശ വേണ്ടാ, വെർച്ച്വൽ വിസിറ്റിംഗ് കാർഡുകളുടെ സഹായത്തോടെ സ്വന്തം പേര് ഗൂഗിളിന്റെ സേർച്ച് റിസൾട്ടിൽ ലഭ്യമാക്കുവാനുള്ള ഒരു ഓപ്ഷൻ ഗൂഗിൾ ഇപ്പോൾ നൽകുന്നു. ഉപയോക്താക്കൾക്ക് അവരുടെ പേര്, ഹോബികൾ, വർക്ക് പ്രൊഫൈൽ എന്നിവ പോലുള്ള വിവരങ്ങൾ ചേർക്കാനും വെർച്ച്വൽ വിസിറ്റിംഗ് കാർഡിലേക്ക് അവരുടെ സോഷ്യൽ മീഡിയ വിവരങ്ങൾ അറ്റാച്ചുചെയ്യാനും സാധിക്കും.
‘Add me to search’ എന്ന പുതിയ സവിശേഷതയാണ് കമ്പനി ഇതിനായി അവതരിപ്പിച്ചിരിക്കുന്നത്. ഇത് ഉപയോഗിക്കുന്നത് പദസമുച്ചയം തിരയുന്നതുപോലെ ലളിതമാണ്.
മൊബൈലിനായുള്ള ഗൂഗിൾ ബ്രൗസറിൽ മാത്രമേ ഇപ്പോൾ ഈ ഫീച്ചർ ലഭ്യമാകുകയുള്ളൂ. നിലവിൽ ഡെസ്ക്ടോപ്പ് ബ്രൗസറിനായി പിന്തുണ നൽകിയിട്ടില്ല.
പുതിയ സവിശേഷത എങ്ങനെ ആരംഭിക്കാം
ഈ പ്രക്രിയ ആരംഭിക്കുന്നതിന് ഉപയോക്താവിന് ‘Add me to search’ എന്ന വാചകം ടൈപ്പ് ചെയ്യുകയോ അവരുടെ പേര് ഗൂഗിളിൽ ടൈപ്പ് ചെയ്യുകയോ ചെയ്യേണ്ടതായുണ്ട്.
അത് ചെയ്‌തുകഴിഞ്ഞാൽ, അടുത്ത പേജിൽ ഉപയോക്താവിന് ഒരു പൊതു ഡൊമൈ‌നിൽ കാണാൻ ആഗ്രഹിക്കുന്ന എല്ലാ വിവരങ്ങളും ചേർക്കാൻ കഴിയുന്ന ഒരു ചെറിയ ഫോം ലഭ്യമാകും. ഇതിൽ ഒരു വെബ്‌സൈറ്റ് വിലാസം, സോഷ്യൽ നെറ്റ്‌വർക്ക് പ്രൊഫൈലുകൾ, ഇമെയിൽ-ഐഡി, ഫോൺ നമ്പർ എന്നിവ ഉൾപ്പെടുന്നു. ഇവ രേഖപ്പെടുത്തിയശേഷം പ്രോസസ്സ് പൂർത്തിയാക്കുന്നതിന് ഉപയോക്താവിന് സേവ് അമർത്താം.
ഗൂഗിൾ സേർച്ച് റിസൾട്ടിൽ വെർച്ച്വൽ കാർഡ് ദൃശ്യമാകാൻ കുറച്ച് സമയമെടുക്കുമെന്നാണ് ഗൂഗിൾ അവകാശപ്പെടുന്നത്.
About The Author
Leave a Reply