ജൂലൈ അവസാനത്തോടുകൂടി വൺപ്ലസിന്റെ പുതിയ ബജറ്റ് സെഗ്മെന്റ് സ്മാർട്ട്ഫോൺ ഇന്ത്യയിൽ അവതരിപ്പിക്കും. വൺപ്ലസ് നോർഡ് എന്ന് പേര് നൽകിയിരിക്കുന്ന സ്മാർട്ട്ഫോൺ ഔദ്യോഗികമായി പുറത്തിറക്കുന്ന തീയതിയും വിശദവിവരങ്ങളും കമ്പനി വെളിപ്പെടുത്തിയിട്ടില്ല.
ഫോണിലെ ഡിസ്‌പ്ലേ 6.4-6.5 അമോലെഡ് പാനൽ 90Hz റിഫ്രെഷ് റെയ്റ്റിലുള്ളതാണെന്ന വിവരങ്ങൾ ഇതിനോടകം പുറത്തുവന്നിട്ടുണ്ട്. 8GB അല്ലെങ്കിൽ 12GB റാമും 128GB അല്ലെങ്കിൽ 256GB സ്റ്റോറേജ് എന്നീ രണ്ട് വേരിയന്റുകളിൽ ഫോൺ ലഭ്യമാകുമെന്നാണ് പ്രതീക്ഷിക്കപ്പെടുന്നത്. യുഎസ്ബി ടൈപ്പ്-സി പോർട്ട് വഴി 30W വേഗത്തിൽ റീചാർജ്ജ് ചെയ്യാവുന്ന 4000mAh റീചാർജ്ജബിൾ ബാറ്ററിയാണ് ഇതിൽ ഉണ്ടാകുക.
ക്വാൽകോം സ്‌നാപ്ഡ്രാഗൺ 765 ജി ചിപ്പ്സെറ്റാണ് നോർഡ് നൽകുന്നതെന്ന് വൺപ്ലസ് സ്ഥിരീകരിച്ചിട്ടുണ്ട്. ആൻഡ്രോയിഡ് 10 അടിസ്ഥാനമാക്കിയുള്ള ഓക്സിജൻ ഒഎസ് 10 ഓപ്പറേറ്റിംഗ് സിസ്റ്റവുമായി ഈ SoC ജോടിയാക്കാം. ക്വാഡ് ക്യാമറ സവിശേഷത പ്രതീക്ഷിക്കപ്പെടുന്ന ഹാൻഡ്സെറ്റിൽ 48mp പ്രൈമറി സെൻസർ, 16mp അൾട്രാ വൈഡ് ആംഗിൾ ലെൻസ്, 2mp മാക്രോ ലെൻസ്, നാലാമതായി ഡെപ്ത് സെൻസിംഗ് ലെൻസ് അല്ലെങ്കിൽ കളർ ഫിൽട്ടർ ലെൻസ് എന്നിവയായിരിക്കും ഉണ്ടാകുക.
About The Author
Leave a Reply