യൂട്യൂബിൽ നിങ്ങൾ തിരയുന്നതോ കാണുന്നതോ ആയ എല്ലാ കണ്ടെന്‍റുകളും ഗൂഗിള്‍ ശേഖരിക്കുന്നു. ഈ സേര്‍ച്ച് ഹിസ്റ്ററിയുടേയും വാച്ച് ഹിസ്റ്ററിയുടേയും അടിസ്ഥാനത്തില്‍ ഉപയോക്താവിന്‍റെ താല്‍പ്പര്യങ്ങള്‍ തിരിച്ചറിഞ്ഞാണ് യൂട്യൂബ് വീഡിയോകള്‍ നിര്‍ദേശിക്കുന്നത്. ഈ സൗകര്യം ഉപയോക്താവിന്‍റെ സ്വകാര്യതയെ ബാധിക്കുന്നതിനാല്‍ സേര്‍ച്ച് ഹിസ്റ്ററി നിങ്ങളുടെ അക്കൗണ്ടിൽ കാണിക്കാതിരിക്കുവാനും നിങ്ങളുടെ എല്ലാ ഉപകരണങ്ങളിലും ഇത് പൂർണ്ണമായും താൽക്കാലികമായും നിർത്തുവാനുള്ള ഒരു ഓപ്ഷൻ ലഭ്യമാക്കിയിട്ടുണ്ട്. നിങ്ങളുടെ സേര്‍ച്ച് ഹിസ്റ്ററി സംരക്ഷിക്കുന്നതിൽ നിന്ന് യൂട്യൂബിനെ എങ്ങനെ തടയാമെന്നത് ഇതാ.
യൂട്യൂബ് ആപ്ലിക്കേഷൻ ഉപയോഗിച്ച്
1 നിങ്ങളുടെ ഫോണിൽ യൂട്യൂബ് ആപ്ലിക്കേഷൻ തുറക്കുക
2 മുകളിൽ വലത് കോണിലുള്ള നിങ്ങളുടെ പ്രൊഫൈൽ ഐക്കണിൽ ടാപ്പുചെയ്യുക.
3 Settings > History and privacy എന്നിവയിലേക്ക് നാവിഗേറ്റ് ചെയ്യുക.
4 ഇവിടെ, ““Pause search history” എന്ന ടോഗിൾ എനേബിള്‍ ചെയ്യുക.
5 സ്ഥിരീകരിക്കുന്നതിന് ‘Pause’ എന്നതില്‍ ടാപ്പുചെയ്യുക.
ഇത്രയും ചെയ്താല്‍ പ്ലാറ്റ്‌ഫോമിൽ നിങ്ങളുടെ സേര്‍ച്ച് ഹിസ്റ്ററി കാണിക്കുന്നത് യൂട്യൂബ് ഇപ്പോൾ നിർത്തും. മുന്‍പ് സേവ് ചെയ്തിട്ടുള്ള ഹിസ്റ്ററിയെ ഇത് ബാധിക്കില്ല. അതിനാല്‍, “clear search history” എന്ന ഓപ്ഷൻ ഉപയോഗിച്ച് നിങ്ങൾ ഇത് സ്വമേധയാ ക്ലിയര്‍ ചെയ്യേണ്ടതാണ്. ഇത് കൂടാതെ, യൂട്യൂബിൽ നിങ്ങൾ കണ്ടിട്ടുള്ള വീഡിയോകൾ കാണിക്കുന്ന വാച്ച് ഹിസ്റ്ററി ഫീച്ചറും താൽക്കാലികമായി നിർത്താനാകും.
യൂട്യൂബ് വെബ് വഴി
1 നിങ്ങളുടെ ബ്രൗസറിൽ യൂട്യൂബ് വെബ് തുറക്കുക.
2 മുകളിൽ വലത് കോണിലുള്ള നിങ്ങളുടെ പ്രൊഫൈൽ ചിത്രം ടാപ്പുചെയ്ത് ‘Your data in YouTube’ എന്നതിൽ ക്ലിക്കുചെയ്യുക.
3 യൂട്യൂബ് കണ്‍ട്രോള്‍സില്‍ താഴേക്ക് സ്ക്രോൾ ചെയ്ത് ‘Youtube Search History’ എന്നതിൽ ക്ലിക്കുചെയ്യുക.
4 ഇനിപ്പറയുന്ന പേജിൽ, ‘YouTube History’ എന്ന ഓപ്ഷനിലെ നീല നിറമുള്ള ടോഗിൾ ഡിസേബിള്‍ ചെയ്യുക.
5 സ്ഥിരീകരിക്കുന്നതിന് ‘Pause’ എന്ന ഓപ്ഷനില്‍ ക്ലിക്കുചെയ്യുക.
About The Author
Leave a Reply