മൈക്രോബ്ലോഗിംഗ് പ്ലാറ്റ്ഫോമായ ട്വിറ്ററിലെ ബ്ലൂടിക് വേരിഫിക്കേഷൻ തിരികെവരുന്നു. 2021ന്‍റെ ആദ്യനാളുകളില്‍ തന്നെ ഇത് ട്വിറ്ററില്‍ തിരിച്ചെത്തുന്നതായിരിക്കും. സ്ഥിരീകരണ പ്രക്രിയ പുനരാരംഭിച്ചാല്‍ അതിലൂടെ ട്വിറ്ററിലെ സജീവവും ആധികാരികവുമായ ഉപയോക്തൃ അക്കൗണ്ടുകൾക്ക് ‘ബ്ലൂ വെരിഫൈഡ് ബാഡ്ജ്’ ലഭ്യമാകുന്നതാണ്.
അക്കൗണ്ടുകളുടെ ആധികാരികത ഉറപ്പുവരുത്തുക എന്ന ഉദ്ദേശത്തോടെയാണ് വേരിഫിക്കേഷന്‍ സംവിധാനം പ്രവര്‍ത്തിക്കുന്നത്. എന്നാല്‍ ഇത് പലപ്പോഴും അംഗീകാരമായും പ്രാധാന്യം നല്‍കുന്നതിന്‍റെ അടയാളമായും വ്യാഖ്യാനിക്കപ്പെട്ടൂ. ഇതേ തുടര്‍ന്നാണ് മൂന്ന് വര്‍ഷം മുന്‍പ് ട്വിറ്റര്‍ താല്‍ക്കാലികമായി ഈ സംവിധാനം നിര്‍ത്തിവെച്ചത്.
ട്വിറ്ററിലെ ‘ബ്ലൂ വെരിഫൈഡ് ബാഡ്ജ്’ പൊതുതാൽപ്പര്യമുള്ള ഒരു അക്കൗണ്ട് ആധികാരികമാണെന്ന് ആളുകളെ അറിയാൻ അനുവദിക്കുന്നതാണ്. അക്കൗണ്ടിന് നീല ബാഡ്ജ് ലഭിക്കുന്നതിന് ട്വിറ്റർ അക്കൗണ്ട് ശ്രദ്ധേയവും സജീവവുമായിരിക്കണം എന്നാണ് ട്വിറ്റര്‍ പറയുന്നത്. അക്കൗണ്ട് നിഷ്‌ക്രിയമാണെങ്കിലോ പ്രൊഫൈൽ അപൂർണ്ണമാണെങ്കിലോ ഒരു അക്കൗണ്ടിൽ നിന്ന് സ്ഥിരീകരണം സ്ഥിരമായി നീക്കംചെയ്യുന്നതിന് നിർദ്ദിഷ്ട മാനദണ്ഡവും ഉണ്ടെന്ന് സോഷ്യൽ മീഡിയ ഭീമൻ പറയുന്നു.
ട്വിറ്റർ ചട്ടങ്ങൾ ആവർത്തിച്ച് ലംഘിക്കുന്നതായി കണ്ടെത്തിയ ചില യോഗ്യതയുള്ള അക്കൗണ്ടുകളിൽ നിന്ന് സ്ഥിരീകരണം നിരസിക്കാനോ നീക്കംചെയ്യാനോ ട്വിറ്ററിന് സാധിക്കും.
About The Author
Leave a Reply