ഐഫോണുകളിൽ ആപ്പിൾ ഒരു പുതിയ ബട്ടൺ ചേർത്തുവെങ്കിലും അത് മിക്ക ഉപയോക്താക്കളുടെയും ശ്രദ്ധയിൽപ്പെടില്ല. ഏറ്റവും പുതിയ ഐ‌ഓഎസ് 14 ഉപയോഗിച്ച് ആപ്പിൾ സോഫ്റ്റ്‌വെയർ അപ്‌ഡേറ്റുകൾ പുറത്തിറക്കുക മാത്രമല്ല പുതിയ ഹാർഡ്‌വെയർ സവിശേഷതയും പുറത്തിറക്കിയിരിക്കുന്നു. ഇപ്പോൾ, നിങ്ങൾ ഒരു ഫിസിക്കൽ ബട്ടണിനെകുറിച്ചാണ് ഇവിടെ പറയുന്നതെന്നുകരുതി ഐഫോണില്‍ തിരയാൻ തുടങ്ങിയാൽ, അത് കണ്ടെത്താനാവില്ല. കാരണം, ഇത് പ്രായോഗികമായി അസാധ്യമാണ്. അതായത്, ഐഫോണിലെ പുതിയ ബാക്ക് ടാപ്പ് സവിശേഷത എനേബിള്‍ ചെയ്താല്‍ ഐഫോണിന്‍റെ മുഴുവൻ ബാക്ക് പാനലും ഒരു ടച്ച് സെൻസിറ്റീവ് സോണായി മാറുന്ന ഹാർഡ്‌വെയർ സവിശേഷതയാണിത്.
പുതിയ ഹാർഡ്‌വെയർ സവിശേഷത ഐഫോണിന്‍റെ പിൻ പാനലിനെ ടാപ്പുകളിലൂടെ അണ്‍ലോക്ക് ചെയ്യുവാന്‍ കഴിയുന്ന ഒരു ബട്ടണാക്കി മാറ്റുന്നു. സവിശേഷത ഉപയോഗിക്കുന്നതിന് ആദ്യം ബാക്ക് ടാപ്പ് ഫീച്ചര്‍ എനേബിള്‍ ചെയ്യേണ്ടതുണ്ട്.
ഐഫോണില്‍ ആദ്യം സെറ്റിംഗ്സിലേക്ക് പോയി ആക്സസബിലിറ്റി ഓപ്ഷനില്‍ നിന്ന് ടച്ച് എന്നത് തിരഞ്ഞെടുക്കുക. താഴേക്ക് സ്ക്രോൾ ചെയ്ത് എനേബിള്‍ ചെയ്യേണ്ട ബാക്ക് ടാപ്പ് ഓപ്ഷൻ കണ്ടെത്താം. ബാക്ക് ടാപ്പ് ഓപ്ഷനിൽ ടാപ്പുചെയ്യുമ്പോൾ, ഒരു പ്രത്യേക സ്ക്രീനിലേക്ക് പ്രവേശിക്കും, അവിടെ ഡബിൾ ടാപ്പ്, ട്രിപ്പിൾ ടാപ്പ് എന്നീ രണ്ട് ഓപ്ഷനുകൾ ഉണ്ട്. അവയിലേതെങ്കിലും തിരഞ്ഞെടുക്കുമ്പോൾ, ഫോണിന്‍റെ പിൻ പാനലിൽ രണ്ട് തവണ ടാപ്പുചെയ്തുകൊണ്ട് നിങ്ങൾക്ക് ചെയ്യാൻ കഴിയുന്ന കാര്യങ്ങളുടെ ഒരു ലിസ്റ്റ് ലഭ്യമാകുന്നതാണ്.
ഉദാഹരണത്തിന്, ലോക്ക് സ്ക്രീൻ ഓപ്ഷൻ തിരഞ്ഞെടുത്ത് നിങ്ങളുടെ ഫോണിന്‍റെ പിൻ പാനലിൽ രണ്ടുതവണ ടാപ്പുചെയ്യുമ്പോള്‍ സ്ക്രീൻ ലോക്ക് ആകുന്നതണ്. അതുപോലെ, നിങ്ങളുടെ ഫോണിന്‍റെ പിൻ പാനലിൽ രണ്ടോ മൂന്നോ തവണ ടാപ്പുചെയ്ത് സ്ക്രീൻഷോട്ടുകളും എടുക്കുവാന്‍ സാധിക്കുന്നതാണ്.
സവിശേഷത ആക്ടീവാക്കിയാല്‍ റിയര്‍ പാനലില്‍ എവിടെ വേണമെങ്കിലും ടാപ്പ് ചെയ്ത്കൊണ്ട് നിങ്ങള്‍ക്ക് പ്രവര്‍ത്തനങ്ങള്‍ ചെയ്യാവുന്നതാണ്. ചില ആപ്ലിക്കേഷനുകൾ പ്രവർത്തിക്കുന്നതിനും ഈ മാര്‍ഗ്ഗം ഉപയോഗിക്കാം. ഈ സവിശേഷത ഉപയോഗിക്കാൻ ആഗ്രഹിക്കുന്നില്ലെങ്കിൽ, അത് എനേബിള്‍ ചെയ്യുവാനായി സ്വീകരിച്ച അതേ മാര്‍ഗ്ഗങ്ങള്‍ പിന്തുടര്‍ന്ന് ഓഫ് ചെയ്യാവുന്നതുമാണ്.
About The Author
Leave a Reply