ബോംബെയിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി) യിലേയും ശിവ്നാദർ സർവകലാശാലയിലേയും ഗവേഷകർ സംയുക്തമായി ഒരു പരിസ്ഥിതി സൗഹൃദ ലിഥിയം സൾഫർ (ലി-എസ്) ബാറ്ററികൾ നിർമ്മിക്കുന്നതിനുള്ള സാങ്കേതികവിദ്യ വികസിപ്പിച്ചിരിക്കുന്നു. നിലവിൽ സാധാരണയായി ഉപയോഗിക്കുന്ന ലിഥിയം അയൺ ബാറ്ററിയേക്കാൾ മൂന്നിരട്ടി ഊർജ്ജ കാര്യക്ഷമതയും ചെലവ് കുറഞ്ഞതുമാണിത്.
പെട്രോളിയം വ്യവസായം (സൾഫർ), കാർഷിക മാലിന്യ ഘടകങ്ങൾ, കാർഡനോൾ (കശുവണ്ടി നട്ട് പ്രോസസ്സിംഗിന്റെ ഒരു ഉപോൽപ്പന്നം) ,യൂജെനോൾ (ഗ്രാമ്പൂ ഓയിൽ) എന്നിവയിൽ നിന്നുള്ള ഉപോൽപ്പന്നങ്ങളുടെ ഉപയോഗം ഉൾപ്പെടുത്തിക്കൊണ്ട് ലി-എസ് ബാറ്ററി സാങ്കേതികവിദ്യ ഹരിത രസതന്ത്രത്തിന്റെ തത്വങ്ങളെ സ്വാധീനിക്കുന്നു എന്ന് ഗവേഷകർ അഭിപ്രായപ്പെടുന്നു.
ടെക് ഗാഡ്‌ജെറ്റുകൾ, ഡ്രോണുകൾ, ഇലക്ട്രിക് വാഹനങ്ങൾ (ഇവി) തുടങ്ങി നിരവധി ബില്ല്യൺ ഡോളർ വ്യവസായങ്ങളെ സഹായിക്കാൻ സാങ്കേതികവിദ്യയ്ക്ക് കഴിവുണ്ടെന്ന് ഗവേഷകർ പറഞ്ഞു.
പരമ്പരാഗത ലിഥിയം അയൺ ബാറ്ററികൾ ഉപയോഗിച്ച് 400 കിലോമീറ്റർ പരിധിയിൽ സഞ്ചരിക്കുവാൻ കഴിവുള്ള ഒരു ഇലക്ട്രിക് കാറിന് ഈ സാങ്കേതികവിദ്യ ഉപയോഗിച്ച് ഒരൊറ്റ ചാർജ്ജിൽ അതിന്റെ പരിധി 1600 കിലോമീറ്ററായി ഉയർത്താൻ സാധിക്കും. വലുപ്പത്തിൽ ഒതുക്കമുള്ളതും പരമ്പരാഗത ലിഥിയം അയൺ ബാറ്ററികളേക്കാൾ കൂടുതൽ സുരക്ഷിതവുമാണ് ലി-എസ് ബാറ്ററികൾ.
പുതിയ ബാറ്ററി സാങ്കേതികവിദ്യ വാണിജ്യാടിസ്ഥാനത്തിലുള്ള ഉൽ‌പാദനത്തിന് ശേഷിയുള്ള ഒരു ബയോ അധിഷ്ഠിത തന്മാത്രയെ സമന്വയിപ്പിക്കുന്നു. ഗവേഷണത്തിൽ ലി-എസ് ബാറ്ററികൾക്കായി ഒരു പുതിയതരം കാഥോഡ് ഉൾപ്പെടുത്തിയിരുന്നു. ഇത് പുതിയ ബാറ്ററി സാങ്കേതികവിദ്യയെ ഉയർന്ന പ്രകടന നിലവാരത്തിലേക്ക് നയിക്കാൻ സഹായിക്കുന്നു.
About The Author
Leave a Reply