മി നോട്ട്ബുക്ക് 14 ന്‍റെ വിലകുറഞ്ഞ വേരിയന്‍റായി മി നോട്ട്ബുക്ക് 14 ഇ-ലേണിംഗ് പതിപ്പ് ഇന്ത്യയിൽ പുറത്തിറക്കിയിരിക്കുന്നു. പുതിയ ലാപ്ടോപ്പിനെ ഓൺലൈൻ പഠനത്തിനും വര്‍ക്ക് അറ്റ് ഹോമിലും പങ്കാളികള്‍ ആയിരിക്കുന്നവര്‍ക്കാണ് ഏറെ പ്രയോജനം ചെയ്യുക. മി നോട്ട്ബുക്ക് 14 ഇ-ലേണിംഗ് പതിപ്പിന് പത്താം തലമുറ ഇന്‍റൽ കോർ ഐ3 പ്രോസസ്സറും 8 ജിബി റാമും ഉണ്ട്. പുതിയ പതിപ്പിൽ ഇൻബിൽറ്റ് എച്ച്ഡി വെബ്‌ക്യാമും ലഭ്യമാണ്.
ഇന്ത്യയിലെ വില, ലഭ്യത
മി നോട്ട്ബുക്ക് 14 ഇ-ലേണിംഗ് പതിപ്പിന് ഇന്ത്യയിൽ 34999 രൂപയാണ് വില. 8 ജിബി + 256 ജിബി സ്റ്റോറേജ് കോൺഫിഗറേഷനില്‍ ഒരൊറ്റ വേരിയന്‍റായി അവതരിപ്പിച്ചിട്ടുള്ള ഈ ഡിവൈസിന് സിംഗിൾ സിൽവർ കളർ ഓപ്ഷനിലാണ് ലഭ്യമായിട്ടുള്ളത്.
മി നോട്ട്ബുക്ക് 14 ഇ-ലേണിംഗ് പതിപ്പ് ആമസോൺ, മി.കോം, ഓഫ്‌ലൈൻ റീട്ടെയിൽ സ്റ്റോറുകൾ എന്നിവയിലൂടെ വാങ്ങാൻ ലഭ്യമാണ്.
സവിശേഷതകൾ
മി നോട്ട്ബുക്ക് 14 ഇ-ലേണിംഗ് പതിപ്പ് വിൻഡോസ് 10 ഓപ്പറേറ്റിംഗ് സിസ്റ്റത്തിലാണ് പ്രവര്‍ത്തിക്കുന്നത്. പത്താം തലമുറ ഇന്‍റൽ കോർ ഐ3 പ്രോസസ്സറും ഇന്‍റൽ യുഎച്ച്ഡി ഗ്രാഫിക്സ് 620 ജിപിയുവും 8 ജിബി ഡിഡിആർ 4 റാമും 256 ജിബി സാറ്റ 3 എസ്എസ്ഡിയും ജോടിയാക്കുന്നു. ഒറിജിനൽ മി നോട്ട്ബുക്ക് 14ല്‍ പത്താം തലമുറ ഇന്‍റൽ കോർ ഐ5 പ്രോസസ്സറാണ് നല്‍കിയിരുന്നത്. 512 ജിബി എസ്എസ്ഡി, എൻവിഡിയ ജിഫോഴ്സ് എംഎക്സ് 250 ജിപിയു എന്നിവയിലേക്ക് അപ്ഗ്രേഡ് ചെയ്യുന്നതിനുള്ള ഓപ്ഷനുകളും ഇത് വാഗ്ദാനം ചെയ്യുന്നു.
16 ഇഞ്ച് വീക്ഷണാനുപാതവും 81.2 ശതമാനം സ്‌ക്രീൻ-ടു-ബോഡി അനുപാതവുമുള്ള 14 ഇഞ്ച് എഫ്എച്ച്ഡി ആന്‍റി-ഗ്ലെയർ ഡിസ്‌പ്ലേയാണ് ഇ-ലേണിംഗ് പതിപ്പിൽ ഉള്ളത്. ഓൺലൈൻ മീറ്റിംഗുകൾക്കും ക്ലാസുകൾക്കുമായി ഇൻബിൽറ്റ് എച്ച്ഡി വെബ്‌ക്യാമും ഇത് പിന്തുണയ്ക്കുന്നു. 3220 എംഎഎച്ച് ബാറ്ററിയാണ് ഇതിലുള്ളത്, ഒറ്റ ചാർജ്ജിൽ 10 മണിക്കൂർ വരെ ബാറ്ററി ദൈര്‍ഘ്യം ഇതില്‍ വാഗ്ദാനം ചെയ്യുന്നു.
കണക്റ്റിവിറ്റി ഓപ്ഷനുകളിൽ രണ്ട് യുഎസ്ബി ടൈപ്പ്-എ പോർട്ടുകൾ, യുഎസ്ബി 2.0 പോർട്ട്, എച്ച്ഡിഎംഐ പോർട്ട്, കോംബോ ഓഡിയോ ജാക്ക് എന്നിവ ഉൾപ്പെടുന്നു. വയർലെസ് കണക്റ്റിവിറ്റിക്കായി, മി നോട്ട്ബുക്ക് 14 ഇ-ലേണിംഗ് പതിപ്പ് ഡ്യുവൽ-ബാൻഡ് 802.11ac വൈ-ഫൈ, ബ്ലൂടൂത്ത് 5.0 എന്നിവ പിന്തുണയ്ക്കുന്നു. ഓഡിയോയ്‌ക്കായി, ഡിടിഎസ് ഓഡിയോ പ്രോസസ്സിംഗ് ആപ്പിനെ പിന്തുണയ്‌ക്കുന്ന രണ്ട് 2W സ്പീക്കറുകളുകളാണ് ഇതില്‍ ഉള്‍പ്പെടുത്തിയിരിക്കുന്നത്.
About The Author
Leave a Reply