സ്മാര്‍ട്ട്ഫോണുകളുടെ ഇൻ-ഡിസ്പ്ലേ ഫിംഗർപ്രിന്‍റ് സ്കാനിംഗ്
അക്ഷരാര്‍ത്ഥിത്തിൽ ഏവരെയും ഞെട്ടിച്ചുകൊണ്ട് വളരെ പ്രചാരം നേടിയിരിക്കുകയാണ്. സ്ക്രീനിൽ സ്‌പർശിക്കുന്നമാത്രയില്‍, അത് നിങ്ങളുടെ വിരലടയാളം വായിക്കുകയും തൽക്ഷണം നിങ്ങളുടെ ഫോൺ അൺലോക്കുചെയ്യുകയും ചെയ്യുന്നു. ഈ മാജിക്കിന് പിന്നിലെ സാങ്കേതികവിദ്യ നമുക്കൊന്ന് മനസ്സിലാക്കാം.
ഫിസിക്കൽ സ്കാനറുകളിൽ നിന്നൊരു മാറ്റം
ഫിംഗർപ്രിന്‍റ് സ്കാനിംഗ് പോലുള്ള ബയോമെട്രിക് തിരിച്ചറിയല്‍ സംവിധാനങ്ങള്‍ കംപ്യൂട്ടിംഗ് ഉപകരണങ്ങൾക്ക് പുതുമയല്ല. ഫിംഗര്‍പ്രിന്‍റ് സ്കാനര്‍ സവിശേഷതയോട് കൂടിയുള്ള ആദ്യ സ്മാര്‍ട്ട്ഫോണ്‍ 2004-ല്‍ പുറത്തിറങ്ങിയ പാൻടെക് ജിഐ 100 ആയിരുന്നു. ഇപ്പോഴത്തെ സ്മാർട്ട്‌ഫോൺ കാലഘട്ടത്തിൽ ഈ സംവിധാനം വലിയ തോതിൽ തിരിച്ചെത്തിയിരിക്കുന്നു.
ടച്ച് ഐഡി സമാരംഭിച്ചുകൊണ്ട് ഫിംഗർപ്രിന്‍റ് സ്കാനർ ഉള്ള യുഎസ് വിപണിയിലെ ആദ്യത്തെ പ്രധാന മൊബൈൽ ഉപകരണമായി 2013-ൽ ആപ്പിൾ ഐഫോൺ 5 എസ് മാറി. ആപ്പിൾ ഘട്ടംഘട്ടമായി ഈ സവിശേഷതയെ ഫേഷ്യൽ റെക്കഗ്നിഷൻ ഉപയോഗിച്ച് മാറ്റിയിട്ടുണ്ടെങ്കിലും ഫിംഗർപ്രിന്‍റ് സ്കാനറുകൾ എല്ലാ സ്മാർട്ട്‌ഫോണുകളിലും സ്റ്റാൻഡേർഡായി. ഇന്ന് ഒട്ടുമിക്ക ഉപകരണത്തിന്‍റെയും പുറകിലോ വശത്തോ ബയോമെട്രിക്സ് സംവിധാനമായി ടച്ച് ഐഡി സ്ഥാനം പിടിച്ചിരിക്കുന്നു.
കഴിഞ്ഞ കുറച്ച് വർഷങ്ങളായി, മറ്റ് ഫോൺ നിർമ്മാതാക്കളും ഫിസിക്കൽ ഫിംഗർപ്രിന്‍റ് സ്കാനറുകൾ ഘട്ടംഘട്ടമായി നീക്കം ചെയ്തുകൊണ്ടിരിക്കുന്നു. ആപ്പിളിനെപ്പോലെ, ചിലർ ഫിംഗർപ്രിന്‍റ് വേരിഫിക്കേഷന്‍ പൂർണ്ണമായും നീക്കംചെയ്‌തു, എന്നാൽ മറ്റുള്ളവർ ഫിസിക്കൽ പാഡിന് പകരം സ്ക്രീനിൽ ഒരു സ്കാനർ നൽകി. ഫോണിന്‍റെ ഡിസ്പ്ലേയുടെ ഒരു പ്രത്യേക സ്ഥലത്ത് വിരൽ വച്ചുകൊണ്ട് ഫോൺ അൺലോക്ക് ചെയ്യാൻ ഇത് ഉപയോക്താവിനെ അനുവദിക്കുന്നു.
ഇൻ-ഡിസ്പ്ലേ സ്കാനിംഗ് പ്രോസസ്സ്
സാധാരണഗതിയില്‍ ഫിസിക്കൽ അല്ലെങ്കിൽ ഇന്‍-ഡിസ്പ്ലേ ഡിസൈനില്‍ തയ്യാറാക്കിയിട്ടുള്ള സ്കാനിംഗ് പ്രക്രിയ സമാനമാണ്.
പതിവായികണ്ടുവരുന്ന രീതി സ്ക്രീനിന്‍റെ ഒരു പ്രത്യേക ഭാഗത്തിന് കീഴിൽ ഒരു സ്കാനിംഗ് ഏരിയ നല്‍കിയിട്ടുള്ളതാണ്. നിങ്ങൾ സ്കാനറിന് മുകളിൽ വിരൽ വയ്ക്കുമ്പോൾ, ഒരു ക്യാമറയോ മറ്റ് സെൻസറോ ഉപയോഗിച്ച് നിങ്ങളുടെ വിരലിന്‍റെ പാറ്റേണിന്‍റെ ഒരു സ്നാപ്പ്ഷോട്ട് എടുക്കും. അത് പിന്നീട് നിങ്ങളുടെ ഫോണിലെ ബയോമെട്രിക് ഡേറ്റയുമായി പൊരുത്തപ്പെടുന്നു. ഇത് പൊരുത്തമാണെങ്കിൽ, നിങ്ങളുടെ ഫോൺ തൽക്ഷണം അൺലോക്കുചെയ്യപ്പെടും.
ഇന്‍-ഡിസ്പ്ലേ സ്കാനറുകളിലെ ഏറ്റവും വലിയ പ്രശ്നങ്ങളിലൊന്നാണ് സ്കാനിംഗ് ഏരിയ താരതമ്യേന ചെറുതാണെന്നുള്ളത്. ഇത് പലപ്പോഴും ഡിസ്പ്ലേയുടെ താഴത്തെ പാദത്തിലെ ഒരു ചെറിയ ബോക്സാണ്. നിങ്ങളുടെ വിരൽ എവിടെ വയ്ക്കണമെന്ന് കാണിക്കുന്നതിന് ഫോൺ നിർമ്മാതാക്കൾ പലപ്പോഴും സോഫ്റ്റ് വെയറിൽ ഒരു മാര്‍ഗ്ഗനിര്‍ദേശം കാണിക്കാറുണ്ട്. സ്‌ക്രീൻ ഓണായിരിക്കുമ്പോൾ അല്ലെങ്കിൽ നിങ്ങളുടെ ഉപകരണം എല്ലായ്‌പ്പോഴും ഓണായിരിക്കുന്ന ഡിസ്‌പ്ലേകളെ പിന്തുണയ്‌ക്കുമ്പോൾ ഇത് ദൃശ്യമാകും.
സ്കാനിംഗ് പ്രക്രിയ തൽക്ഷണമോ വളരെ മന്ദഗതിയിലോ ആകാം. രണ്ട് സ്കാനിംഗ് സാങ്കേതികവിദ്യകൾ തമ്മിലുള്ള വലിയ വ്യത്യാസങ്ങളാണ് ഇതിന് കാരണം.
ഒപ്റ്റിക്കൽ V/S അൾട്രാസോണിക്
ഇൻ-ഡിസ്പ്ലേ ഫിംഗർപ്രിന്‍റ് സ്കാനറുകള്‍ പ്രധാനമായും ഒപ്റ്റിക്കൽ, അൾട്രാസോണിക് എന്നിങ്ങനെ രണ്ട് തരം ഉണ്ട്.
ഒപ്റ്റിക്കൽ സ്കാനറുകൾ നിങ്ങളുടെ വിരലിൽ ഒരു പ്രകാശം പരത്തുന്നു (ഇത് പലപ്പോഴും സ്ക്രീനിൽ ഒരു ആനിമേഷനായി ദൃശ്യമാകും). അത് സ്ക്രീനിന് കീഴിലുള്ള ക്യാമറ ഉപയോഗിച്ച് നിങ്ങളുടെ പ്രകാശിത വിരലടയാളത്തിന്‍റെ ചിത്രം എടുക്കുകയും അത് രജിസ്റ്റർ ചെയ്തിട്ടുള്ള ഫിംഗര്‍പ്രിന്‍റ് ആണെന്ന് ഉറപ്പാക്കുകയും ചെയ്യുന്നപക്ഷം ഫോണ്‍ അൺലോക്ക് ചെയ്യുകയും ചെയ്യുന്നു.
ഫിംഗർപ്രിന്‍റ് ചിത്രം പകർത്താൻ ലളിതമായ ക്യാമറ ഉപയോഗിക്കുന്നതിനാൽ സാധാരണ ഈ രണ്ട് സാങ്കേതികവിദ്യകളിലും ഒപ്റ്റിക്കൽ സ്കാനറിന് സുരക്ഷിതത്വം കുറവാണെന്ന് പലരും കരുതുന്നു. എന്നിരുന്നാലും, ഇത് പലപ്പോഴും വളരെ വേഗതയുള്ളതാണ്. സോഫ്റ്റ് വെയർ ഒപ്റ്റിമൈസേഷനെ ആശ്രയിച്ച്, മികച്ച ഫിസിക്കൽ ഫിംഗർപ്രിന്‍റ് സ്കാനർ പോലെ തന്നെ ഇത് വേഗത്തിലാക്കാം. വൺപ്ലസ് ഫോണുകളിലും നിരവധി മിഡ്‌റെയ്ഞ്ച് ഉപകരണങ്ങളിലും ഒപ്റ്റിക്കൽ സ്കാനറുകളാണ് ഉപയോഗിച്ചിരിക്കുന്നത്.
അൾട്രാസോണിക് സ്കാനറുകളാണ് സാധാരണയായി ഈ രണ്ട് സാങ്കേതികവിദ്യകളിലും മികച്ചതായി കണക്കാക്കപ്പെടുന്നത്. പ്രകാശത്തിനുപകരം, കൃത്യമായ 3D ചിത്രം പകർത്താൻ അവർ ഉപയോക്താവിന്‍റെ വിരലിൽ നിന്ന് പുറത്തേക്ക് കുതിക്കുന്ന അൾട്രാസോണിക് ശബ്ദ തരംഗങ്ങൾ ഉപയോഗിക്കുന്നു. മെഡിക്കൽ അൾട്രാസൗണ്ട് മെഷീനുകളിൽ ഉപയോഗിക്കുന്നതിന് സമാനമാണ് ഈ രീതി.
അൾട്രാസോണിക് സ്കാനറുകൾ ഒപ്റ്റിക്കലുകളേക്കാൾ കൂടുതൽ സുരക്ഷിതമാണ്, കാരണം വിരലടയാളത്തിന്‍റെ 3D ഇമേജ് വ്യാജമായി സൃഷ്ടിക്കുന്നത് വളരെ ബുദ്ധിമുട്ടേറിയ കാര്യമാണ്. അവ ഒപ്റ്റിക്കൽ സ്കാനറുകളേക്കാൾ സ്ഥിരതയുള്ളതും നിങ്ങളുടെ കൈകൾ നനഞ്ഞതോ വൃത്തിയില്ലാത്തതോ ആയതുപോലുള്ള സാഹചര്യങ്ങളിലും പ്രവർത്തിക്കുന്നു. സാംസങ്ങിന്‍റെ ഗ്യാലക്‌സി സീരീസ് പോലുള്ള ഉയർന്ന നിലവാരമുള്ള ഉപകരണങ്ങളിൽ ഈ മിനി അൾട്രാസൗണ്ട് സവിശേഷത ലഭ്യമാണ്.
ഇന്‍-ഡിസ്പ്ലേ ഫിംഗർപ്രിന്‍റ് സ്കാനിംഗ് ഭാവിയില്‍
സ്മാർട്ട്‌ഫോണുകളിലെ ഡേറ്റകളുടെ സുരക്ഷ ഉറപ്പുവരുത്തുന്നതിനായി സ്മാര്‍ട്ട്ഫോണ്‍ നിർമ്മാതാക്കൾ നല്‍കുന്ന വലിയ പദ്ധതിയുടെ ഭാഗമാണ് ഇൻ-ഡിസ്പ്ലേ ഫിംഗർപ്രിന്‍റ് സ്കാനറുകൾ. ബട്ടണുകൾ, ക്യാമറകൾ, സെൻസറുകൾ, സ്പീക്കറുകൾ, പോർട്ടുകൾ, ഉപയോഗിക്കാത്ത ബെസെൽ സ്പേസ് എന്നിവ ഇതിൽ ഉൾപ്പെടുന്നു.
ഇൻ-ഡിസ്പ്ലേ സ്കാനറുകളുടെ വർദ്ധനവിനൊപ്പം, ഡിസ്പ്ലേ-ടു-ബോഡി അനുപാതം മെച്ചപ്പെടുത്തുന്നതിനായി കമ്പനികൾ പോപ്പ്-അപ്പ്, ഫ്രണ്ട് ഫേസിംഗ് ക്യാമറകൾ ചേർക്കാൻ തുടങ്ങി. ഇത് ഹെഡ്‌ഫോൺ ജാക്കുകൾ നീക്കംചെയ്യുന്നതിന് വഴിയൊരുക്കുന്നു. ഈ അവസരം പ്രയോജനപ്പെടുത്തി കമ്പനികൾ അവരുടെ ഫോണുകൾക്കായി യഥാർത്ഥ വയർലെസ് ഇയർബഡുകൾ സൃഷ്ടിക്കാൻ മത്സരിക്കുന്നു.
ഭാവിയിൽ, കൂടുതൽ സവിശേഷതകൾ സ്ക്രീനിന് കീഴിൽ മൈഗ്രേറ്റ് ചെയ്യപ്പെടാം. ദൃശ്യമായ സ്പീക്കർ ഗ്രില്ലുകളില്ലാതെ കോളുകളും സ്റ്റീരിയോ ഓഡിയോയും കേൾക്കാൻ അണ്ടർ ഡിസ്പ്ലേ സ്പീക്കറുകൾ ഉപയോക്താവിനെ അനുവദിക്കുന്നു. ഒരു നോച്ച്, കട്ട് ഔട്ട് അല്ലെങ്കിൽ മെക്കാനിക്കൽ പോപ്പ്-അപ്പ് ഇല്ലാതെ പോർട്രെയിറ്റ് ഫോട്ടോകൾ എടുക്കാൻ അണ്ടർ ഡിസ്പ്ലേ ക്യാമറയിലൂടെയും സാധിക്കുന്നതാണ്.
ഈ സവിശേഷതകളുള്ള ഫോണുകൾ ഇതിനകം നിലവിലുണ്ട്. ചെറിയ ബെസലുകൾ, ദൃശ്യമായ സെൻസറുകൾ, ചാർജ്ജിംഗ് പോർട്ട്, ബട്ടണുകൾ ഇല്ലാത്തത് തുടങ്ങിയ സവിശേഷതകളുമായി ഒരു ഡിവൈസ് 2019 ൽ മൈസു അവതരിപ്പിച്ചിരുന്നു. ഇതേവര്‍ഷത്തിന്‍റെ അവസാനപാദത്തില്‍, അഡര്‍-ഡിസ്പ്ലേ സെൽഫി ക്യാമറയുള്ള ഒരു ഫോൺ ഒപ്പോയും അവതരിപ്പിച്ചിരുന്നു.
ഭാവിയിലെ ഉപകരണങ്ങളിൽ അണ്ടർ ഡിസ്പ്ലേ ക്യാമറ സാങ്കേതികവിദ്യ സംയോജിപ്പിക്കാനുള്ള പദ്ധതികൾ സാംസങ് പ്രഖ്യാപിച്ചു. ആപ്പിൾ ഐഫോണിന്‍റെ ചാർജ്ജിംഗ് പോർട്ട് നീക്കംചെയ്യുകയും വയർലെസ് ചാർജ്ജിംഗിൽ സജീവമാകുകയും ചെയ്യുമെന്ന അഭ്യൂഹങ്ങളുണ്ട്. മാഗ് സെയ്ഫ് സാങ്കേതികവിദ്യ തീർച്ചയായും അതിന് സഹായിക്കുന്നതാണ്. ഇന്‍-ഡിസ്പ്ലേ ഫിംഗര്‍പ്രിന്‍റ് സ്കാനിംഗില്‍ പുതിയ മാറ്റങ്ങള്‍ക്കായി നമുക്ക് കാത്തിരിക്കാം.
About The Author
Leave a Reply