പിസി, മാക്, ലിനക്സ് അല്ലെങ്കിൽ ക്രോം എന്നിവയിൽ ഒരു വെബ് ബ്രൗസർ ഉപയോഗിച്ച് നിങ്ങളുടെ ട്വിറ്റർ യൂസര്‍നെയിം മാറ്റുന്നത് ഒരു ലളിതമായ പ്രക്രിയയാണ്. പക്ഷേ ഓപ്ഷനുകള്‍ അല്പം ആഴത്തിലുണ്ട് എന്ന് മാത്രം.
ആദ്യം, ഏതെങ്കിലും വെബ് ബ്രൗസർ ഉപയോഗിച്ച് Twitter.com ലേക്ക് പ്രവേശിക്കുക. ട്വിറ്റർ വെബ്‌സൈറ്റിലെ സൈഡ്‌ബാറിൽ, കൂടുതൽ ഓപ്ഷനുകൾ വെളിപ്പെടുത്തുന്നതിന് എലിപ്‌സസ് ബട്ടൺ (ഒരു സർക്കിളിലെ മൂന്ന് ഡോട്ടുകൾ) ക്ലിക്ക് ചെയ്യുക.
പോപ്പ് അപ്പ് ചെയ്യുന്ന മെനുവിൽ, “Settings and Privacy” തിരഞ്ഞെടുക്കുക.
സെറ്റിംഗ്സിൽ, “Account” ക്ലിക്ക് ചെയ്യുക, തുടർന്ന് “Username” ക്ലിക്ക് ചെയ്യുക.
“Change username” പേജിൽ, “Username” ടെക്സ്റ്റ് ഏരിയയിൽ ക്ലിക്ക് ചെയ്ത് നിങ്ങൾ ഉപയോഗിക്കാൻ ആഗ്രഹിക്കുന്ന പുതിയ യൂസര്‍ നെയിം ടൈപ്പ് ചെയ്യുക. നിങ്ങൾ ടൈപ്പ് ചെയ്യുമ്പോൾ, യൂസര്‍ നെയിം ഇതിനകം ഉപയോഗത്തില്‍ ഉള്ളതാണോ എന്ന് ട്വിറ്റര്‍ നിങ്ങളോട് പറയുന്നതാണ്. യുണീക് ആയ ഒന്ന് കണ്ടെത്തുന്നതുവരെ ശ്രമം തുടരുക. തുടർന്ന് “Save” ക്ലിക്ക് ചെയ്യുക.
നിങ്ങളുടെ പുതിയ യൂസര്‍നെയിം ഇപ്പോൾ സജ്ജമായിരിക്കുകയാണ്. ഇതെ പ്രക്രിയ ഐഫോണ്‍, ഐപാഡ് അല്ലെങ്കിൽ ആന്‍ഡ്രോയിഡ് ഡിവൈസുകളില്‍ എങ്ങനെ ചെയ്യാം എന്ന് നോക്കാം;
സ്മാർട്ട്‌ഫോണുകളിലും ഐഫോൺ, ഐപാഡ്, ആന്‍ഡ്രോയിഡ് പോലുള്ള ടാബ്‌ലെറ്റുകളിലും, നിങ്ങളുടെ ട്വിറ്റർ യൂസര്‍ നെയിം മാറ്റുന്നതിനുള്ള നടപടിക്രമം Twitter.com വെബ്‌സൈറ്റിൽ ഉപയോഗിക്കുന്നതിന് സമാനമാണ്.
ആദ്യം, നിങ്ങളുടെ ഉപകരണത്തിൽ ട്വിറ്റര്‍ ആപ്ലിക്കേഷൻ തുറക്കുക. സ്മാർട്ട്‌ഫോണുകളിൽ, സ്‌ക്രീനിന്‍റെ മുകളിൽ ഇടത് കോണിലുള്ള നിങ്ങളുടെ അവതാർ ചിത്രം ടാപ്പ് ചെയ്യുക.
ഐഫോണ്‍, ആന്‍ഡ്രോയിഡ് ഫോണുകളിലാണെങ്കില്‍ ദൃശ്യമാകുന്ന സൈഡ്‌ബാറിൽ, “Settings And Privacy” ടാപ്പ് ചെയ്യുക.
ഐപാഡിൽ, സൈഡ്‌ബാറിലെ എലിപ്‌സസ് ബട്ടൺ (സർക്കിളിലെ മൂന്ന് ഡോട്ടുകൾ) ടാപ്പ് ചെയ്ത് “Settings And Privacy” തിരഞ്ഞെടുക്കുക.
“Settings And Privacy” എന്നതിൽ അക്കൗണ്ട്> യൂസര്‍ നെയിമിലേക്ക് നാവിഗേറ്റ് ചെയ്യുക.
“Update Username” പേജിൽ, “New” എന്ന് ലേബൽ ചെയ്‌തിരിക്കുന്ന ടെക്സ്റ്റ് ഫീൽഡ് ടാപ്പ് ചെയ്യുക. നിങ്ങളുടെ യൂസര്‍ നെയിം മാറ്റാൻ ആഗ്രഹിക്കുന്നുവെന്ന് സ്ഥിരീകരണം ആവശ്യപ്പെടുകയാണെങ്കിൽ, “Continue” ടാപ്പ് ചെയ്യുക. ഓൺ-സ്ക്രീൻ കീബോർഡ് ഉപയോഗിച്ച് പുതിയ യൂസര്‍ നെയിം നൽകി “Done” ടാപ്പ് ചെയ്യുക.
About The Author
Leave a Reply