പോപ്പ്-അപ്പ് വെബ്‌ക്യാമുള്ള എച്ച്പി-യുടെ ഓൾ-ഇൻ-വൺ പിസികള്‍ ഇന്ത്യയില്‍

എച്ച്പി എ‌ഐ‌ഒ 24, പവലിയൻ 27 എന്നിവ ഇന്ത്യയിൽ അവതരിപ്പിച്ചുകൊണ്ട് എച്ച്പി തങ്ങളുടെ ഓൾ-ഇൻ-വൺ(എ‌ഐ‌ഒ) പിസികളുടെ ശ്രേണി വിപുലീകരിച്ചിരിക്കുന്നു. ആമസോൺ അലക്സാ സംയോജനത്തോടെ വരുന്ന പുതിയ എ‌ഐ‌ഒ പി‌സികൾ എച്ച്ഡി പോപ്പ്-അപ്പ് വെബ്‌ക്യാം സവിശേഷതയുള്ളതാണ്. പത്താം തലമുറ ഇന്‍റൽ കോർ ഐ5 പ്രോസസ്സറാണ് എച്ച്പി എഐഒ 24ല്‍ ഉള്ളത്. എച്ച്പി പവലിയൻ 27 ൽ പത്താം തലമുറ ഇന്‍റൽ കോർ ഐ7 പ്രോസസ്സറും ഉണ്ട്. രണ്ട് AIO പിസികളിലും ഡ്യുവല്‍ മൈക്രോഫോണുകൾ, ഇൻബിൽറ്റ് സ്പീക്കറുകൾ, ഡെഡിക്കേറ്റഡ് ഗ്രാഫിക്സ് പിന്തുണ എന്നിവ ഉൾപ്പെടുത്തിയിരിക്കുന്നു. കൂടാതെ, മികച്ച യൂസര്‍ എക്സ്പീരിയന്‍സ് നല്‍കുന്നതിനായി ടച്ച്‌സ്‌ക്രീൻ പിന്തുണയും എച്ച്പി പവലിയൻ 27 നൽകുന്നു.

എച്ച്പി എ‌ഐ‌ഒ 24, എച്ച്പി പവലിയൻ 27 ഇന്ത്യയിൽ വില

ഇന്ത്യയിൽ എച്ച്പി എ‌ഐ‌ഒ 24 ന് 64999 രൂപയും ടച്ച്‌സ്‌ക്രീൻ പിന്തുണയുള്ള എച്ച്പി പവലിയൻ 27 ന് 99999 രൂപയാണ് വില ആരംഭിക്കുന്നത്. രണ്ട് പുതിയ എ‌ഐ‌ഒ മോഡലുകളും എച്ച്പി വേൾഡ് റീട്ടെയിൽ സ്റ്റോറുകൾ വഴിയും രാജ്യത്തെ എച്ച്പി ഓൺലൈൻ സ്റ്റോർ വഴിയും ലഭ്യമാണ്.

എച്ച്പി എ‌ഐ‌ഒ 24 സവിശേഷതകൾ

എൻ‌വിഡിയ ജിഫോഴ്‌സ് എം‌എക്സ് 330 ഗ്രാഫിക്സുമായി ജോടിയാക്കിയ പത്താം തലമുറ ഇന്‍റൽ കോർ ഐ5 പ്രോസസ്സറാണ് എച്ച്പി എ‌ഐ‌ഒ 24 ന്‍റെ സവിശേഷത. 88 ഡിഗ്രി കാഴ്‌ചയുള്ള പോപ്പ്-അപ്പ് വെബ്‌ക്യാമും ഇതിൽ ഉണ്ട്. കൂടാതെ ബില്‍റ്റ്-ഇന്‍ മൈക്രോഫോണുകളും സ്പീക്കറുകളും ഉണ്ട്.

എച്ച്പി പവലിയൻ 27 സവിശേഷതകൾ

സ്‌ക്രീൻ-ടു-ബോഡി അനുപാതത്തിന്‍റെ 86.2 ശതമാനം നൽകുന്ന ത്രീ-സൈഡ് മൈക്രോ എഡ്ജ് ഡിസ്‌പ്ലേയാണ് എച്ച്പി പവലിയൻ 27ല്‍ ഉള്ളത്. ടിയുവി റെയിൻലാൻഡ് സാങ്കേതികവിദ്യയാണ് ഇത് നൽകുന്നത്. ടച്ച് ഇൻപുട്ടുകളെ ഡിസ്പ്ലേ പിന്തുണയ്ക്കുന്നു. എൻ‌വിഡിയ ജിഫോഴ്‌സ് എം‌എക്സ്, എൻ‌വിഡിയ ജിഫോഴ്‌സ് ജിടിഎക്സ് ഗ്രാഫിക്സ് എന്നിവയ്‌ക്കൊപ്പം പത്താം തലമുറ ഇന്‍റൽ കോർ ഐ7 പ്രോസസ്സറും സവിശേഷതകളാണ്. സെക്കൻഡറി സ്റ്റോറേജിനായി ഒരു ഓപ്‌ഷണൽ എച്ച്ഡിഡിയോടൊപ്പം വേഗതയേറിയ ബൂട്ട്അപ്പ് അനുഭവത്തിനായി എസ്എസ്ഡി 2 പ്രൈമറി ഡ്രൈവും എ‌ഐ‌ഒ നൽകുന്നു.

മൾട്ടിമീഡിയയുടെ കാര്യത്തിൽ, എച്ച്പി പവലിയൻ 27 അക്കൗസ്റ്റിക് ഫാബ്രിക്കിൽ പൊതിഞ്ഞ കസ്റ്റം-ട്യൂണ്‍ഡ് ബി&ഒ സ്പീക്കറുകൾ അവതരിപ്പിക്കുന്നു. പോപ്പ്-അപ്പ് വൈഡ്-വിഷൻ ഐആർ വെബ്‌ക്യാമും അലക്സാ വഴി വോയ്‌സ് കമാൻഡുകളെ പിന്തുണയ്‌ക്കുന്ന ക്വാഡ് മൈക്രോഫോണുകളും ഓള്‍ ഇന്‍ വണ്‍ പിസിയിൽ ഉൾപ്പെടുന്നു. കൂടാതെ, മൊബൈൽ ഉപകരണങ്ങൾക്കായി അടിയിൽ വയർലെസ്സ് ക്വി(Qi) ചാർജ്ജിംഗ് പാഡും ലഭ്യമാക്കിയിട്ടുണ്ട്.

About The Author

Correspondent

See author's posts