ആൻഡ്രോയിഡ് ഫോണുകളിൽ ഡിഫോൾട്ടായി സമയം ക്രമീകരിച്ചിരിക്കുന്നത് 12 മണിക്കൂർ ഫോർമാറ്റിൽ ആണ്. സമയം രണ്ടായി വിഭജിക്കുന്നത് യു‌എസിൽ സാധാരണമാണെങ്കിലും, ലോകത്തിന്റെ മറ്റ് ഭാഗങ്ങളിൽ ഇത് അങ്ങനെയല്ല. ഈ സമയ ക്രമീകരണത്തിൽ മാറ്റം വരുത്താനുള്ള സംവിധാനവും ഇതിൽ തന്നെ ഒരുക്കിയിട്ടുമുണ്ട്. ആൻഡ്രോയിഡ് ഫോണുകളിൽ 24-മണിക്കൂർ ക്ലോക്ക് (അല്ലെങ്കിൽ “മിലിട്ടറി ടൈം”) എങ്ങനെ പ്രവർത്തനക്ഷമമാക്കാം എന്നത് ഇതാ.
ഇതിൽ പ്രതിപാദിച്ചിരിക്കുന്ന നിർദ്ദേശങ്ങൾ ഒരു ഗൂഗിൾ പിക്സൽ 4 അടിസ്ഥാനമാക്കിയുള്ളതിനാൽ, ചില മെനുകൾ, ക്രമീകരണ ഓപ്ഷനുകൾ എന്നിവ നിങ്ങളുടെ ഉപകരണത്തെ ആശ്രയിച്ച് വ്യത്യാസപ്പെട്ടിരിക്കാം എന്നകാര്യം ഓർമ്മപ്പെടുത്തുന്നു.
നിങ്ങളുടെ ആൻഡ്രോയിഡ് സ്മാർട്ട്‌ഫോണിലോ ടാബ്‌ലെറ്റിലോ ക്ലോക്കിന്റെ ഫോർമാറ്റ് 24 മണിക്കൂറായി മാറ്റുന്നതിനായി സെറ്റിംഗ്സ് മെനുവിലാണ് പ്രവർത്തനം ആരംഭിക്കേണ്ടത്. സ്‌ക്രീനിന്റെ മുകളിൽ നിന്ന് ഒന്നോ രണ്ടോ തവണ സ്വൈപ്പ് ചെയ്ത് ഗിയർ ഐക്കൺ ടാപ്പ് ചെയ്യുക എന്നതാണ് ഇതിനുള്ള ദ്രുത മാർഗം.
അല്ലെങ്കിൽ, നിങ്ങളുടെ ഉപകരണത്തിന്റെ ഹോം സ്‌ക്രീനിൽ നിന്ന് സ്വൈപ്പ് ചെയ്ത് ആപ്ലിക്കേഷൻ ഡ്രോയറിൽ നിന്ന് “Settings” ആപ്ലിക്കേഷൻ തിരഞ്ഞെടുക്കുക.
ലിസ്റ്റിന്റെ താഴേക്ക് സ്ക്രോൾ ചെയ്ത് “System” ബട്ടൺ ടാപ്പുചെയ്യുക.
അടുത്തതായി, “Date & Time” ഓപ്ഷൻ തിരഞ്ഞെടുക്കുക.
“Time Format” വിഭാഗം കണ്ടെത്തി “Use Locale Default” ടോഗിൾ ചെയ്യുക. അപ്രാപ്‌തമാക്കി കഴിഞ്ഞാൽ, അനുബന്ധ ടോഗിൾ ടാപ്പുചെയ്യുന്നതിലൂടെ നിങ്ങൾക്ക് “Use 24-Hour Format” ക്രമീകരണം ഓണാക്കാനാകും.
നേരത്തെ സൂചിപ്പിച്ചതുപോലെ, മിക്കവാറും എല്ലാ ആൻഡ്രോയിഡ് ഡിവൈസുകളിലും ഇതിൽ ചെറിയ മാറ്റം ഉണ്ടാകും.
About The Author
Leave a Reply