ചാറ്റ് മെസേജിംഗ് ആപ്പുകളുടെ പ്രചാരം കൂടിയതോടു കൂടി വാട്സ്ആപ്പിൽ കൂടുതൽ സവിശേഷതകൾ ചേർക്കാൻ ശ്രമിക്കുകയാണ് കമ്പനി. അതിന്റെ ഭാഗമായി ഒരു വാട്സ്ആപ്പ് അക്കൗണ്ട് തന്നെ നാല് ഉപകരണങ്ങളിൽ ഒരേസമയം പ്രവർത്തിക്കാൻ അനുവദിക്കുന്ന സവിശേഷത ആരംഭിക്കാൻ ഒരുങ്ങുന്നത്. മൾട്ടി-ഡിവൈസ് സപ്പോർട്ടിനായി വാട്സ്ആപ്പ് പുറത്തിറക്കുന്ന നിരവധി ഘടകങ്ങളിൽ ആദ്യത്തേതാണ് ഈ സവിശേഷത.
പുതിസ സവിശേഷത മറ്റ് ഉപകരണങ്ങളുമായി കണക്റ്റ് ചെയ്യേണ്ട ഒരു വൈഫൈ നെറ്റ്‌വർക്കിനെ ആശ്രയിച്ചായിരിക്കും സാധ്യമാകുക.നിലവിൽ, ഒരു അക്കൗണ്ട് ഉപയോഗിച്ച് ഒരേ സമയം ഒരു ഉപകരണത്തിൽ മാത്രമേ വാട്സ്ആപ്പ് സൈൻ ഇൻ ചെയ്യാൻ കഴിയൂ. ഒരേ അക്കൗണ്ട് ഉപയോഗിച്ച് വാട്സ്ആപ്പ് വെബ് ആക്‌സസ് ചെയ്യാനുള്ള സൗകര്യമുണ്ടെങ്കിലും, ഇത് മറ്റൊരു സ്മാർട്ട്‌ഫോണിൽ ഉപയോഗിക്കുന്നതിന് സമാനമായി പ്രവർത്തിക്കുന്നില്ല. മാത്രമല്ല, ടെതറിംഗിനായി സെർവറുകളിലേക്ക് കണക്റ്റ് ചെയ്‌തിരിക്കുന്ന സ്മാർട്ട്‌ഫോൺ വാട്സ്ആപ്പ് വെബിന് ആവശ്യമാണ്. ഒന്നിലധികം ഉപകരണ പിന്തുണ വന്നുകഴിഞ്ഞാൽ ഇതിൽ മാറ്റമുണ്ടാകും. മൾട്ടി-ഡിവൈസ് പിന്തുണ ലഭ്യമാകുമ്പോൾ ഒപ്റ്റിമൈസേഷനുകൾ ഉൾപ്പെടെ അധിക സവിശേഷതകളും വാട്സ്ആപ്പ് വെബ് നേടാൻ സാധ്യതയുണ്ട്.
About The Author
Leave a Reply