മൊബൈൽ പേയ്‌മെന്‍റ് ആപ്ലിക്കേഷൻ BHIM- ന്‍റെ ഉപയോക്താക്കളുമായി ബന്ധിപ്പിച്ചിരിക്കുന്ന 7.26 ദശലക്ഷം റെക്കോർഡുകൾ ഒരു വെബ്‌സൈറ്റ് പൊതുജനങ്ങൾക്ക് തുറന്നുകാട്ടിയതായി സുരക്ഷാ ഗവേഷകർ കണ്ടെത്തി.വെളിപ്പെടുത്തിയ ഡേറ്റയിൽ പേരുകൾ, ജനനത്തീയതി, പ്രായം, ലിംഗഭേദം, മേല്‍വിലാസം, ജാതി, ആധാർ കാർഡ് വിശദാംശങ്ങൾ എന്നിവ ഉൾപ്പെടുന്നു. വിപിഎൻ അവലോകന വെബ്‌സൈറ്റായ വിപിഎൻ മെന്‍ററാണ് ഇതു സംബന്ധിച്ച റിപ്പോർട്ട് പുറത്തുവിട്ടിരിക്കുന്നത്.2019 ഫെബ്രുവരി മുതലാണ് വിവരങ്ങള്‍ ചോര്‍ന്നത്. ആപ്പിന്‍റെ പ്രൊമോഷനുവേണ്ടി സ്ഥാപിച്ച വെബ്സൈറ്റുമായി ബന്ധിപ്പിച്ച ആമസോണ്‍ ക്ലൗഡ് സ്റ്റോറേജ് വഴിയാണ് വിവരങ്ങള്‍ ചോര്‍ന്നതെന്നാണ് സൂചന.
അതേസമയം ഡേറ്റ ലംഘനത്തെ സംബന്ധിച്ച റിപ്പോർട്ടുകൾ എൻ‌സി‌പി‌ഐ നിരസിച്ചു. ഉപയോക്തൃ ഡേറ്റകള്‍ക്കായി ഉയർന്ന തലത്തിലുള്ള സുരക്ഷയും അതിന്‍റെ ഇൻഫ്രാസ്ട്രക്ചർ പരിരക്ഷിക്കുന്നതിന് ശക്തമായ പേയ്‌മെന്‍റ് ഇക്കോസിസ്റ്റം നൽകുന്നതിനുമടക്കം ഒരു സമഗ്ര സമീപനമാണ് പിന്തുടരുന്നത് എന്നാണ് എൻ‌പി‌സി‌ഐ പറയുന്നത്.
നാഷണൽ പേയ്‌മെന്‍റ്സ് കോർപ്പറേഷൻ ഓഫ് ഇന്ത്യ (എൻ‌പി‌സി‌ഐ) തയ്യാറാക്കിയിരിക്കുന്ന BHIM എന്ന ഭാരത് ഇന്‍റർഫേസ് ഫോർ മണി ആപ്ലിക്കേഷന്‍ 2016 ൽ ആരംഭിച്ചതാണ്.
About The Author
Leave a Reply