അവതരിപ്പിക്കപ്പെട്ടതു മുതൽ ഹെല്‍ത്ത്, ഫിറ്റ്നസ് വിഭാഗത്തിൽ ആൻഡ്രോയിഡ്, ഐഫോൺ ഉപകരണങ്ങളില്‍ ഏറ്റവും കൂടുതൽ ഡൗൺലോഡ് ചെയ്ത ആപ്ലിക്കേഷനാണ് ഇന്ത്യയുടെ ആരോഗ്യ സേതു കോൺടാക്റ്റ് ട്രെയ്സിംഗ് ആപ്ലിക്കേഷൻ എന്ന് ആപ്പ് അനലിറ്റിക്സ് സ്ഥാപനമായ ആപ്പ് ആനി റിപ്പോർട്ട് ചെയ്യുന്നു. ഏപ്രിൽ 2 നും ജൂൺ 23 നും ഇടയിൽ ആപ്ലിക്കേഷൻ എല്ലാ ദിവസവും ഈ വിഭാഗത്തിൽ ഒന്നാം സ്ഥാനത്തെത്തിയെന്നാണ് കമ്പനി ബ്ലോഗ് പോസ്റ്റിലൂടെ വെളിപ്പെടുത്തിയിരിക്കുന്നത്.
പാൻഡെമിക് സമയത്ത് സർക്കാരുകളിൽ നിന്നുള്ള മിക്ക കോൺടാക്റ്റ് ട്രെയ്സിംഗ് ആപ്ലിക്കേഷനുകളും മികച്ച രീതിയിൽ പ്രവർത്തിക്കുന്നുണ്ടെന്നും കമ്പനി വിലയിരുത്തി. “ജപ്പാനിലെ കോവിഡ്-19 കോൺടാക്റ്റ് ആപ്പ്, ജർമ്മനിയിലെ കൊറോണ-മുന്നറിയിപ്പ്-ആപ്പ്, ഫ്രാൻസിലെ സ്റ്റോപ്പ്കോവിഡ് ഫ്രാൻസ്, ഇറ്റലിയിലെ ഇമ്മ്യൂണി ആപ്പ്, ഓസ്‌ട്രേലിയയിലെ കോവിഡ് സേഫ്, ഇന്ത്യയിലെ ആരോഗ്യ സേതു, സിംഗപ്പൂരിലെ ട്രെയ്സ് ടുഗെതർ എന്നിവ അവരുടെ ആപ്പ് സ്റ്റോർ വിഭാഗങ്ങളിൽ # 1 സ്ഥാനത്തെത്തി.
ഇന്ത്യയുടെ കോൺടാക്റ്റ് ട്രെയ്സിംഗ് ആപ്ലിക്കേഷൻ ആരംഭിച്ചതിനുശേഷം ഏറ്റവുമധികം ഡൗൺലോഡ് ചെയ്ത ഏറ്റവും മികച്ച 10 മൊബൈൽ ആപ്ലിക്കേഷനുകളിലൊന്നാണ് ആരോഗ്യ സേതു ആപ്പ്. ജൂൺ 7 നകം ആപ്പ് 12 കോടിയിലധികം തവണ ഡൗൺലോഡ് ചെയ്തതായിട്ടാണ് ഔദ്യോഗിക കണക്കുകള്‍.
ലോകത്തിലെ ഏറ്റവും വിജയകരമായ കോൺടാക്റ്റ് ട്രെയ്സിംഗ് ആപ്ലിക്കേഷനായിട്ടാണ് ഇന്ത്യയുടെ ആരോഗ്യ സേതു ആപ്ലിക്കേഷൻ അറിയപ്പെടുന്നത്. സുരക്ഷാ വിദഗ്ധരും ഹാക്കർമാരും സ്വകാര്യതാ ലംഘനങ്ങൾ ആപ്ലിക്കേഷനില്‍ ഉണ്ടെന്ന് ആരോപിക്കയുണ്ടായി. എന്നാല്‍, ഇത്തരം ആരോപണങ്ങള്‍ എല്ലാം സർക്കാർ നിഷേധിക്കുകയും ആപ്ലിക്കേഷന്‍റെ സുരക്ഷയെക്കുറിച്ചും, സ്വകാര്യതയ്ക്ക് മേലുള്ള കടന്ന് കയറ്റത്തെക്കുറിച്ചുമുള്ള സംശയങ്ങൾ പരിഹരിക്കുന്നതിനുമായി ആപ്ലിക്കേഷന്‍റെ സോഴ്സ് കോഡ് ലഭ്യമാക്കുകയും ചെയ്തിട്ടുണ്ട്.
About The Author
Leave a Reply