മെസഞ്ചർ ആപ്ലിക്കേഷനിൽ പുതിയ വീഡിയോ കോളിംഗ് സവിശേഷത ഫെയ്സ്ബുക്ക് പുറത്തിറക്കിയിരിക്കുന്നു. എല്ലാ മെസഞ്ചർ ആപ്ലിക്കേഷൻ ഉപയോക്താക്കൾക്കും ഈ സവിശേഷത ലഭ്യമാണ്. ഒരു വീഡിയോ കോളിംഗിൽ ഒരേ സമയം 50 അംഗങ്ങളെ വരെ ചേർക്കാൻ കഴിയും എന്നതാണ് ഫെയ്സ്ബുക്ക് മെസഞ്ചർ ആപ്ലിക്കേഷനിലെ പുതിയ സവിശേഷത. ഫെയ്സ്ബുക്കിൽ അക്കൗണ്ടില്ലാത്ത ഉപയോക്താക്കൾക്കും ആപ്ലിക്കേഷൻ ഉപയോഗിക്കാൻ കഴിയും.
മറ്റ് മെസഞ്ചർ ആപ്ലിക്കേഷൻ ഉപയോക്താക്കളുമായി ഒരു ലിങ്ക് പങ്കിടുന്നതിലൂടെ ആളുകളെ ചാറ്റ് റൂമിലേക്ക് ക്ഷണിക്കാൻ കഴിയുന്നതാണ്.
ആപ്ലിക്കേഷനിൽ ഒരു ചാറ്റ് റൂം എങ്ങനെ സൃഷ്ടിക്കാം
പ്ലേ സ്റ്റോറിൽ നിന്ന് മെസഞ്ചർ ആപ്ലിക്കേഷൻ ഇൻസ്റ്റാൾ ചെയ്യുക.
ആപ്ലിക്കേഷൻ തുറക്കുമ്പോൾ അതിൽ, ഒരു ചാറ്റ് സെക്ഷനും ഒരു പീപ്പിൾ സെക്ഷനും ഉണ്ടാകും.
തൽസമയം ആപ്പിൽ ആക്ടീവ് ആയിട്ടുള്ള ഉപയോക്താക്കളുടെ എണ്ണം കാണുന്നതിന് പീപ്പിൾ ഓപ്ഷനിൽ ടാപ്പ് ചെയ്ത് ആക്ടീവ് എന്നതിൽ പ്രസ്സ് ചെയ്യുക.
‘Create a room’ ഓപ്ഷനിൽ ടാപ്പ് ചെയ്യുക.നിങ്ങൾ ഈ ഓപ്ഷനിൽ ടാപ്പ് ചെയ്‌തുകഴിഞ്ഞാൽ, അവർ ലിങ്ക് പങ്കിടുന്നത് മെസഞ്ചർ ആപ്ലിക്കേഷൻ ഉപയോക്താക്കൾക്ക് ദൃശ്യമാകും.
ഉപയോക്താക്കൾ മെസഞ്ചർ റൂമിൽ ചേരുമ്പോൾ, ലിങ്ക് /ഇൻവൈറ്റ് ഉള്ള ആളുകൾക്ക് അവരുടെ പേരും പ്രൊഫൈൽ ഫോട്ടോയും കാണാൻ കഴിയുമെന്ന് ശ്രദ്ധിക്കുക.
ഷെയർ ലിങ്ക് ഓപ്ഷനിൽ ക്ലിക്ക് ചെയ്ത് നിങ്ങൾ വീഡിയോ ചാറ്റ് ചെയ്യാൻ ആഗ്രഹിക്കുന്ന ഉപയോക്താക്കൾക്ക് അയയ്ക്കുക.
ആളുകൾക്ക് ഒരു ലിങ്ക് അയച്ചുകഴിഞ്ഞാൽ, അവർക്ക് അത് മെസഞ്ചർ റൂമിലേക്ക് ചേരാൻ ഉപയോഗിക്കാം. ന്യൂസ് ഫീഡ്, ഗ്രൂപ്പുകൾ, ഇവന്റുകൾ എന്നിവയിലൂടെയും ഉപയോക്താക്കൾക്ക് റൂം ഷെയർ ചെയ്യാൻ കഴിയും.
About The Author
Leave a Reply